2ND DAY TI UNIT 1 MEET 2016, NAGTULTULOY DAGITI GAMES

Cabugao, Ilocos Sur – Iti maikadua nga aldaw (Setiembre  29, 2016) a pannakaaramid dagiti Games iti  2016 Unit 1 Sports Competition ket naregget ti salisal dagiti Team a nakaeskediul iti  salip ti uppat a Munisipalidad ti 1st District, Ilocos Sur kas iti Sinait, Cabugao, San Juan ken Magsingal  idi Setiembre 29, 2016 babaen iti pannakausar dagiti pasilidad ti Sports iti Cabugao Athletic Oval (Freedom Park), Social Hall ti Cabugao South Central School, CI Quadrangle,   Covered Court ti Barangay Bonifacio, Cabugao Central Park (CCP) ken iti Cabugao Cultural and Sports Complex ti Barangay Rizal.

Kabayatanna, aktibo latta met a nakigamulo iti paay-ayam dagiti Opisiales/Kameng ti DepED a mangbukel kadagiti mangtarawidwid a Committee a buklen dagiti nadutokan nga Empleado ti  DepED Magsingal, Host,  ken ti DepED Cabugao a nakinaming/tumulong  iti panagannayas iti   unos ti tallo nga aldaw (Setiembre 28-30, 2016) iti Game Proper iti Unit 1 Meet  a maar-aramid ditoy Cabugao.

Naregget met dagiti pannakabagi ti Clerk of Course/Recorder ken First Aide a buklen dagiti Nurses (RN-Heals) ti RHU ken DepED; kameng ti Cabugao Rescue, dagiti Ambulansia ti Munisipio a nakadeploy iti playing area (Athletic Oval). 

Naregta latta met dagiti Announcer/Presentor iti School Stage a mangipakpakaammo iti  pagdurdur-asan ti paay-ayam, panangiyanunsio ti panagsagana dagiti sumaruno nga agsalip a Team  ken  dagiti nangatiw a Team kalpasanna, panawagan iti pakaseknan iti ay-ayam,  pakaseknan dagiti Atleta ken  agraman pay dagiti agbuybuya.

Agdagup iti 15 dagiti sports events a mapagay-ayaman a kas  iti  Basketball, Softball, Table Tennis (Boys & Girls),  Baseball, Lawn Tennis,  Badminton (Boys  & Girls), Soccer/Futsal, Volleyball (Boys & Girls), Sipa/Sepak Takraw, Arnis (Boys & Girls), Boxing, Chess (Boys & Girls), Athletics (Boys & Girls), Taekwondo (Boys & Girls), ken Gymnastics (Boys & Girls). # (Web In-Action)

FAMILY WEEK

The celebration of National Family Week is pursuant to Presidential Proclamation No. 60 issued on September 28, 1992, which aims “to increase awareness on various family issues; enhance effectiveness of national and local efforts to carry out specific programs concerning families by generating new programs concerning families by generating new activities and strengthening existing ones; and promote collaboration among national and local non-governmental organizations in support of multi-sectoral activities.” # Source – www.dilg.gov.ph

WORLD HEART DAY

World Heart Day takes place on 29 September every year and is a chance for people across the globe to take part in the world's biggest intervention against cardiovascular disease (CVD). This World Heart Day, focuses on creating healthy heart environments. By ensuring that everyone has the chance to make healthy heart choices wherever they live, work and play, World Heart Day encourages us all to reduce our cardiovascular risk, and promotes a heart-healthy planet for those around us.

UNIT 1 SPORTS COMPETITION 2016, MAANG-ANGAY

Cabugao, Ilocos Sur – Maangay ti umuna nga aldaw, Setiembre 28, 2016 iti 3-Day  Unit   Athletic Sports Competition 2016 (Setiembre 28-30, 2016)  kadagiti pageskuelaan iti uppat nga ili a kas iti Sinait, Cabugao, San Juan ken Magsingal, Ilocos Sur iti uneg ti Cabugao Athletic Oval, Barangay Bonifacio, Cabugao, Ilocos Sur a pagatendaran dagiti napili nga Atleta a mangibagi iti tunggal pagadalan ti kada ili, Officiating Officials, Coaches, mangisursuro ken nagannak a nangtarabay kadagiti annakda a makibalubal  iti dayta nga umuna nga aldaw ti panagsasalip iti nadumaduma nga sports events.

Sakbayna, naaramid ti Parada dagiti Delegado; Municipal Officials; Sports Officials ken dagiti Coaches iti aglikmut ti Poblasion sakbay a naaramid ti ababa a programa iti School Stage ti Cabugao South  Central School a sumango iti Cabugao Athletic Oval.

Words of Welcome ti inakem ni Dr. Consesa T. Rumias, Ed.D, Public Schools District Supervisor ti Cabugao ken Magsingal DepED District. Kimmablaaw ken nagyaman iti ili a Cabugao, Ilocos Sur babaen iti liderato ni Mayor Josh Edward S. Cobangbang ta ditoy manen Cabugao ti pakaangayan ti Unit Meet agsipud ta ditoy pay laeng ti addaan iti pasilidad a kas iti Athletic Oval a mayataday a pagay-ayaman iti aggigiddan nga events.

Dinakamat ti Superbisora a babaen iti daytoy a kompetision ket mapili dagiti Atleta iti tunggal Unit ti DepED-Ilocos Sur (4 a Unit) a makipaset iti Division Sports Competition 2016 idiay Quirino Stadium inton Oktubre 17-21, 2016.

Simmaganad ti Lighting of the Symbolic Torch babaen ken ni Jerome Temporal, 2016 Palarong Pambansa Athlete.

Nangited ti Mensahe ni SBM Erwin B. Isaguirre, Committee Chairman on Education ti ili a Magsingal. Kimmablaaw ken nagyaman iti amin a nakipartisipar iti daytoy damo nga aldaw ti kompetision. Dinayawna ti agtultuloy a suporta dagiti Opisiales ti DepED ken LGU ti Cabugao ta daytoyen ti maikatlo a tawen a maang-angay ti Unit Meet ditoy. Kiniddaw ti Konsehal ti naan-anay a suporta ti amin iti  Unit 1 para iti masungad a Provincial Meet.

Naaramid ti Presentation of Athletic Delegates babaen kadagiti Head iti Athletic Delegation iti uppat nga ili ken kasta metten iti Hoisting of the Delegation Flags babaen kadagiti Opisiales Lokal ken DepED iti tunggal ili.

Kalpasan ti intermission number ni Jennifer Raquepo, Division Champion iti Salip ti Panagkanta ket naisa ti bandera ti Unit Athletic Flag babaen kada Mayor Alrico A. Favis ken ni Public Schools District Supervisor Dr. Consesa T. Rumias, Ed. D.

Naisaruno ti panagsarita ni Mayor Alrico A. Favis a nangted ti mensahena a kas Host nga ili iti daytoy a pasalip. Dinakamatna ti pateg ti sports iti panagadal ket kayatna met a maipatulad kadagiti ubbing ken agtutubo iti bottomline ti sports kas iti kinadisiplina iti bagi ken sportsmanship. Nagyaman iti partisipasion ti amin ket kiniddawna ti aglaplapusanan koma a suporta ti amin para iti Unit 1.

Imbagian ni SBM Danny Q. Gazmen ni Mayor Josh Edward S. Cobangbang a nangted ti mensahena. Kimmablaaw ken nagyaman. Kunana a naragsak unay ti pusoda a mangawat kadagiti amin a simmangbay ditoy Cabugao kadaytoy a kompetision. Innayonna nga aramidenda ti amin a kabaelanda a mangpapintas pay ti athletic oval. Bininsana pay ti pateg ti disiplina ken sportsmanship kadagiti agballigi ken maabak ta sangsangkamaysa koma ti mangbukel iti Unit 1 tapno napigsa daytoy a Team a makisalip iti mapaspasangasangan a Division Meet .

Nangipaay ti Affirmation  of the Amateur Athletic Oath ni Genine Marie R. Viloria. 

Imbagian ni Mr. Elvis A. Tabugader, Principal II ni Mr. Jorge M. Reinante, CSEE, CEO VI, CESO V, Schools Division Superintendent a nangideklarar iti panaglukat ti paay-ayam.

Nakikaysa met iti nasao a programa dagiti Opisiales ti LGU ken DepEd  ti ili a  San Juan  ken nangibagi ken ni Mayor Benjamin V. Sarmiento; Mayor Alrico A. Favis ken ti sibubukel a Sangguniang Bayan ti  LGU-Magsingal; Opisiales ti ili a Cabugao a nangirepresentar ken ni Mayor Josh Edward S. Cobangbang; Opisiales ti LGU ken  DepED ti LGU-Sinait a nangibagi ken ni Mayor Glenn B. Guzman. # (Web In-Action)

BANGKO SENTRAL (BATAC BRANCH), NANGMITING MAIPAPAN ITI DEMONETIZATION

Cabugao, Ilocos Sur – Naangay ti panagtataripnong dagiti Opisiales ti 33 a Barangay ti ili a Cabugao, Ilocos Sur agraman kadagiti agtagikua iti Tienda. Naangay ti miting  iti Cabugao Cultural and Sports Complex, Brgy. Rizal, Cabugao, Ilocos Sur idi Setiembre 27, 2016.

Daytoy a panagtitipon ket tinarawidwidan ti Bangko Sentral ng Pilipinas (BSP), Batac Branch Office ket inlawlawag dagiti pannakabagi ti nadakamat a sanga ti Bangko iti pakaseknan ti “Demonetization”   wenno panamagkomperar iti daan iti pateg ti baro a kuarta nga agsirsirkular tapno maimpormaran dagiti umili kadagiti maiparbeng nga aramidenda.

Indauluan dagiti Kapitanes dagiti kakaduada nga Opisiales ti barangay agraman dagiti storeowners  a nagdengngeg kadagiti  nailawlawag ken Opisial a pakaammo ti Bangko Sentral.   # (Web In-Action) 

EMPLEADO TI LGU-CABUGAO, NAPADAYAWAN ITI “ARAW NG PARANGAL” TI 116th CSC ANNIVERSARY

Cabugao, Ilocos Sur -Nakipagselebrar  ti Local Government Unit (LGU) – Cabugao iti panangidaulo ni Mayor Josh Edward S. Cobangbang  iti panangbigbigna  iti pateg ti Philippine Civil Service Commission (CSC) iti September Month-long Celebration nga idauluan ti CSC nga  Ahensia ti Gobierno.

Daytoy a panagselebrar ket  addaan iti Tema: “Sigaw ng Lingkod Bayani:
Malasakit Para Sa Taumbayan, Kapwa Kawani, at Kalikasan”. 

Kanaig daytoy, paset iti highlights ti 116th Anniversary Celebration ti Philippine Civil Service ti Awarding of Length of Service Award a mangited ti pammadayaw kadagiti Public Officials ken Empleado a nakadanon iti 30, 35 ken 40 a kapaut a  Tawen nga agpangato a panagserbisioda iti napudno iti Gobierno.

Naaramid ti Araw ng Parangal idiay Provincial Capitol Hall,  Vigan City idi Setiembre 27, 2016   ket maysa kadagiti napadayawan nga Empleado iti Gobierno ket ni Miss Marietta S. Cruz, agdama a Budget Officer ti LGU-Cabugao ken agindeg  iti Barangay Bonifacio, Cabugao, Ilocos Sur  maigapu iti pannakagtengna iti 41 a Tawen a napudno a serbisiona iti Gobierno.

Iti nadakamat  nga Awarding, nakikaysa   da Governor Ryan Luis V. Singson; Vice Governor Jeremias C. Singson; Cabugao Mayor Josh Edward S. Cobangbang; HRM Officer Miss Teresita S. Sison ti LGU-Cabugao agraman dagiti kakaduana nga LGU Employees; Guests; Opisiales ti CSC; Awardees a pakaibilangan ni Miss Marietta S. Cruz  ken dadduma pay a kakaduada a nagatendar iti nadakamat nga Araw ng Parangal 2016 ti CSC. # (Web In-Action)

NATIONAL MARITIME DAY

Through a Presidential Proclamation No. 886 dated 06 September 1996 declared the last Friday of September every year as the National Maritime Day (NMD). Meanwhile, Proclamation No. 1094 series of 1997 declared every last Sunday of September of every year as National Seafarer’s Day (NSD), which amended Presidential Proclamation No. 828 series of 1996 in due recognition of Filipino seafarers’ vital role in the economic growth of the country. This celebration is in support of the annual worldwide observance organized by the International Maritime Organization. # Source – www.dilg.gov.ph

SOLIDARITY MEETING PARA ITI UNIT SPORTS COMPETITION 2016, NAARAMID

Cabugao, Ilocos Sur – Naangay ti Solidarity Meeting dagiti  Officiating Officials ken Coaches iti uppat nga ili: Sinait, Cabugao, San Juan ken Magsingal maipapan iti maaramid  iti tallo  nga aldaw (Setiembre 28-30, 2016) a Unit Sports Competition 2016 a no sadino a ditoy ket  ag-Host ti ili a Magsingal, Ilocos Sur ngem maangay dagiti Games iti Cabugao Athletic Oval, Cabugao South Central School, Brgy. Bonifacio, Cabugao, Ilocos Sur.

Naangay ti nasao a miting iti Cabugao Athletic Oval idi malem ti Setiembre 26, 2016 ket tinarawidwidan ni Mr. Elvis Tabugader ti nasao a miting. Nataming iti pagan-annayasan ti pannakaaramid ti Unit Sports Competition 2016.

Kanaig daytoy, naiwayat sakbayna ti Medical and Dental Check-up dagiti Atleta a makipartisipar iti nadakamat a kompetision babaen iti School Dentist ken School Nurse iti DepED Division ken naaramid ti Clean-up Drive iti disso dagiti pagay-ayaman  ita a Setiembre 27, 2016 para iti preparasion ti Opening Day ti Unit Sports Competition 2016 inton Setiembre 28, 2016.

Nakikaysa da SBM Atty. Bryan Jett S. Pano, Committee Chairman on Sports ken ni Mr. Ronel M. Ubaldo,  PESS District Coordinator kadagiti nadakamat nga aktibidad. # (Web In-Action)

HEAVY EQUIPMENTS KEN LUGAN, NAGGIGIDDAN A NABENDISIONAN

Cabugao, Ilocos Sur – Naaramid ti pannakabendision dagiti  lima a mainayon (4 a Heavy Equipments ken maysa  a lugan) a kukua ti Munisipio  iti ili a Cabugao, Ilocos Sur  babaen ti panangannong  ni Rev. Fr. Felix Costales, Parish Priest ti Cabugao Catholic Church, Cabugao, Ilocos Sur idi malem ti Setiembre 26, 2016 iti  arubayan ti Munisipio a nakaiparadaan dagiti nasao a makinaria. 

Indauluan  ni  Mayor Josh Edward  S. Cobangbang a binayabay dagiti Department Heads/Opisiales ti Ili ken kasta metten dagiti umili  a naitaripnong iti  nadakamat a pammendision.

Dagiti Heavy Equipments a nabendisionan ket ti maysa a kabarbaro a Bulldozer (Dressta TD-8M STD); maysa a kabarbaro a Pison (AMMANN Road Roller ARX12); Maysa a Man Lift (Boom Truck); maysa a kabarbaro a Back Hoe ken maysa a kabarbaro a Payloader.

Dagitoy a makinaria ket pinaadda ti LGU-Cabugao tapno adda mainayon a mausar iti pannakaited ti serbisio kadagiti kasapulan dagiti umili nangruna kadagiti barangay. # (Web In-Action)