Cabugao, Ilocos Sur – Naangay dagiti Culminating Activities iti Sports Fest 2016 iti Lipit National High School, Brgy. Lipit, Cabugao, Ilocos Sur idi Agosto 31, 2016 a naaramid iti Open Auditorium ti pagadalan.
Naragsak dagiti mangisursuro ken PTA Officers iti daytoy a pagadalan a nangpasangbay kadagiti Opisiales Lokal nga idauluan ni Mayor Josh Edward S. Cobangbang a kaduana da SBM Jayhan Charisma Alcid-Tan ken ni SBM Atty. Bryan Jett S. Pano iti nadakamat nga aktibidad.
Naipabuya dagiti nadumaduma a paglaingan dagiti agad-adal iti sekundaria.
Nangipaay ti Mensahe ni Mayor Josh Edward S. Cobangbang. Kimmablaaw ken nagyaman ket dinayawna ti kinatunos dagiti mangisursuro, nagannak ken estudiante a nangigannuat kadaytoy a panagselebrar. Innayon ti Alkalde Munisipal a babaen iti edukasion ket maisaganaan dagiti agtutubo a mangannong iti akemda iti masakbayan babaen iti pannakamuli ti panunot ken kabaelanda kadagitoy a napintas nga aramid iti kinaubingda.
Dinayawna met ti kooperasion dagiti nagannak iti pageskuelaan nga agtultuloy a makituntunos iti aniaman nga aktibidad a pagsayaatan dagiti agad-adal ken inapresiarna dagiti maipakpakita a kabaelan ken kinalaingda iti benneg ti pagduyosanda. # (Web In-Action)
Naragsak dagiti mangisursuro ken PTA Officers iti daytoy a pagadalan a nangpasangbay kadagiti Opisiales Lokal nga idauluan ni Mayor Josh Edward S. Cobangbang a kaduana da SBM Jayhan Charisma Alcid-Tan ken ni SBM Atty. Bryan Jett S. Pano iti nadakamat nga aktibidad.
Naipabuya dagiti nadumaduma a paglaingan dagiti agad-adal iti sekundaria.
Nangipaay ti Mensahe ni Mayor Josh Edward S. Cobangbang. Kimmablaaw ken nagyaman ket dinayawna ti kinatunos dagiti mangisursuro, nagannak ken estudiante a nangigannuat kadaytoy a panagselebrar. Innayon ti Alkalde Munisipal a babaen iti edukasion ket maisaganaan dagiti agtutubo a mangannong iti akemda iti masakbayan babaen iti pannakamuli ti panunot ken kabaelanda kadagitoy a napintas nga aramid iti kinaubingda.
Dinayawna met ti kooperasion dagiti nagannak iti pageskuelaan nga agtultuloy a makituntunos iti aniaman nga aktibidad a pagsayaatan dagiti agad-adal ken inapresiarna dagiti maipakpakita a kabaelan ken kinalaingda iti benneg ti pagduyosanda. # (Web In-Action)
No comments:
Post a Comment