Cabugao, Ilocos Sur – Nakipaset ni Mayor Josh Edward S. Cobangbang iti naangay a Monthly Meeting ti Cabugao Federated Farmers Association nga idauluan ni Mr. Elmer G. Bromeo, Federated President iti Cabugao Cultural and Sports Complex, Cabugao, Ilocos Sur iti Setiembre 6, 2016.
Kinablaawan ni Mayor Josh Edward ken nagyaman kadagiti mannalon iti agtultuloy a kinatunosda ken mangpapigsa ti hanay-da
babaen iti panangitedda kadagiti plano ken pakaseknan iti tunggal asosasion a mangbukel ti Pederasion.
Inikkan pay ti Ama ti Ili iti importansia dagiti kalikagum a gun-oden dagiti mannalon/asosasion.
Impeksa pay ti Alkalde Munisipal iti napintas koma a turongen ti programa a mangpasayaat pay ti kasasaad dagiti mannalon ken mangngalap gapu iti manamnama a pannakaited dagiti mailungalong a proyektoda a makiddaw.
Simmaruno a naangay ti meeting proper dagiti Opisiales ket trinatar-da dagiti pakaseknan/agenda iti Pederasion ken dagiti baro a padamag-da para iti pagsayaatan dagiti mannalon.
Dagiti sumaganad ti natratar ken naaprobaran a pagimbagan dagiti mannalon:
1. Mapadpadaanan ti pannakaited ti Farm Implements kadagiti Farmers Association babaen iti LGU-Cabugao.
2. Maikkan ti subsidized pesticides dagiti FAs babaen iti Munisipio.
3. Maidemonstrar ti pakausaran ti Foliar Fertilizer iti 33 a barangay babaen iti Farm-Aid Foliar Fertilizer Co. a ka-partner ti LGU-Cabugao a tumulong kadagiti mannalon iti Cabugao.
4. Ma-update a naimbag dagiti ID Card Holder a mannalon ta maisagsagana iti sumaruno a pannakaited ti libre a ganagan.
5. Maited ti naan-anay nga akreditasion dagiti asosasion ti mannalon babaen iti LGU-Cabugao.
Nagatendar dagiti Staff ti DA-LGU nga idauluan ni Acting Municipal Agriculturist Robert S. Savella ken ni MAFC Chairman Rogelio Barlolong. # (Web In-Action)
No comments:
Post a Comment