Monday, September 19, 2016

PRISM's CROP HEALTH TRAINING, NAGATENDAR NI OBAS BILL Y. BACLIG, AT

Cabugao, Ilocos Sur – Pakaidayawan ti Munisipio ti Cabugao, Ilocos Sur babaen iti Opisina ti DA-LGU nga imatonan ni Acting Municipal Agriculturist Robert S. Savella ti pannakapili ni Mr. Obas Bill Y. Baclig, Agricultural Technologist a  nagatendar iti PRISM’s Crop Health Training nga insayangkat ti International Rice Research Institute (IRRI), Los Banos, Laguna a nangrugi idi Setiembre 13, 2016  agingga iti Setiembre 16, 2016.

Buklen dagiti nag-Training nga Agricultural Extension Workers  (AEW’s) a naggapu iti Region I, V, VI, VII, VIII, IX, CAR, ken ti ARMM.

Ti PRISM (Philippine Rice Information System)  ket epektibo a wagas iti rice monitoring system tapno maidur-as iti produksion ti pagay iti intero a pagilian babaen iti Department of Agriculture’s (DA) Food Staples Sufficiency Program ti Gobierno Nasional.

Kasta pay a ti PRISM  ket mangiwaywayat iti regular a panagsanay kadagiti Teknisian ti pagay tapno adalenda iti epekto ti peste ken sakit iti pagay ken iti umisu a pangtellay kadagitoy  tapno maidur-as ti produksion daytoy a kangrunaan a mula a pagbiagan dagiti Pilipino. 

Dagitoy nga aksion ken inisiatiba ket mayataday iti pannakaitag-ay ti   programa  ken agtultuloy a pannakamantener ti rice self-sufficiency status  ti ili a Cabugao, Ilocos Sur babaen iti Gobierno Munisipal nga idauluan ni Mayor Josh Edward S. Cobangbang.  # (Web In-Action)

No comments:

Post a Comment