SENIOR CITIZEN MEETING, NATAMING TI ELDERLY MONTH INTON OKTUBRE 2016

Cabugao, Ilocos Sur – Nagmiting dagiti Opisiales ken Kameng ti Cabugao Federated Senior Citizens itay nabiit ket naaramid ti mitingda iti Senior Citizen’s Center, Brgy. Rizal, Cabugao, Ilocos Sur.

Impakaammo ni Mr. Bonifacio Somera, Presidente a nagatendar met da  Mr. Remigio Sunico, OSCA Head iti nasao a miting ken ni Mrs. Lucila S. Somera, pannakabagi ti LGU-Cabugao kadagiti nataengan.

Innayon ni Mr. Somera nga intultuloyda a  trinatar  iti maipapan ti napintas a koleksion ti Saranay-da; updating ti kameng ti Senior Citizens iti kada barangay ken ti Regular a Monthly Accomplishment Report ti Pederasion. 

Insupusop ni Mr. Somera a tinamingda pay iti partisipasionda a nataengan iti selebrasion ti Elderly Month inton  Oktubre 2016.  # (Web In-Action)