Cabugao, Ilocos Sur – Maisapsapa ti pannakaisagana ti Track and Field Oval/Athletic Ground babaen iti panagtinnulong dagiti Sports Officiating Officials iti Cabugao DepED District ken dagiti Opisiales/Kameng ti PTA nga idauluan ni Mr. Walberto Torres, Presidente babaen iti panag-group works-da.
Segun ken ni Mr. Ronel M. Ubaldo, Physical Education on School Sports (PESS) Coordinator ti Cabugao DepED District a nupay Iti ili a Magsingal ti ag-Host ita a Tawen kadaytoy a dakkel a paay-ayam ngem ditoy ili ti Cabugao ti venue a pakaaramidan dagiti Games inton Setiemnre 28-30, 2016.
Ita pay, agsansanay latta dagiti atleta iti nadumaduma nga events kadagiti pasilidad ti Sports iti ili ket adda pay naggapu iti tallo nga ili nga atleta (elementary/secondary levels) a mangbisita iti disso ti pagaayaman.
Nupay kasta, napasnek ti Cabugao Team nga agsansanay ta manamnama a maisangalda kadagiti atleta iti ili ti Sinait, San Juan ken Magsingal kadagiti nadakamat a petsa ti dinnayo. # (Web Situational Report)
No comments:
Post a Comment