Cabugao, Ilocos Sur – Naaramid ti Meeting dagiti Opisiales ti Cabugao Federated Rural Improvement Club (RIC) nga idauluan ni Mrs. Grenalyn Amoroso iti Cabugao Cultural and Sports Complex, Brgy. Rizal, Cabugao, Ilocos Sur idi Setiembre 6, 2016.
Kangrunaan a natratar ken napagsasaritaan ket dagiti wagas a pangpatibkerda iti sektor-da nga RIC kas iti pannaka-akreditar ti asosasionda iti LGU-Cabugao; update ti Financial Record-da ken iti pannakaaramid ti Project Proposal-da kadagiti prayoridad a kiddawenda a proyekto iti Munisipio ken Ahensia.
Nagtinnulong da President Amoroso ken ni Miss Katrene Joy Tapuro, Municipal RIC Coordinator a nangtarawidwid iti nasao a miting.
Nagatendar ni Mayor Josh Edward S. Cobangbang ket kinomustana met ti kasasaad ti asosasion kasta metten dagiti kameng ken Opisialesda. Inggunamgunam ti Ama ti Ili a pagtitinnulonganda a kitaen iti panangpasayaatda pay iti hanay-da tapno makomplementaran met ti Munisipio dagiti serbisio nga iwayatda kadagiti inna.
Naballigi met a napagsasaritaan dagiti dadduma pay a pakaseknanda a naidatag iti Pederasion ken iti Asosasionda iti barangay sakbay a nag-adjourn ti nadakamat a miting. # (Web In-Action)
No comments:
Post a Comment