Cabugao, Ilocos Sur – Naileppas ti dua nga aldaw a Cabugao District Sports Competition 2016 (Setiembre 16-17, 2016) iti Cabugao Athletic Oval, Cabugao South Central School, Brgy. Bonifacio, Cabugao, Ilocos Sur.
Dagiti nagsasalip ket dagiti napili nga atleta iti uppat a Zona iti naangay a Zone Meet iti sakbayna iti 26 a pageskuelaan ti Cabugao DepED District.
Nakiraman met ditoy a nagsasalip dagiti Players dagiti sekundaria a pageskuelaan a kas iti Cabugao National High School; Pug-os National High School; Sisim National High School; Lipit National High School ken iti Cabugao Institute.
Iti dua nga aldaw a kompetision, naregta dagiti nagpartisipar nga Atleta, Officiating Officials, ken Coaches iti nadumaduma nga events a napagsasalipan. Aktibo met ti FPTA Officials; Cabugao Rescue Team; PNP-Cabugao ken dagiti Barangay Officials agraman iti BPATs/Tanod iti Barangay Bonifacio nga idauluan ni Brgy. Captain Valentin S. Tuyor, Jr. a nakidanggay iti 2-day competition.
Nakikaysa ni SBM Atty. Bryan Jett S. Pano, Committee Chairman on Sports a nangtarabay kadagiti Sports Officials a nangiwardas ti dua nga aldaw a kompetision. Malaksid iti Freedom Park (Cabugao Athletic Oval); nausar pay dagiti pasilidad ti Covered Court/Ground ti Barangay Bonifacio; Cabugao Institute Quadrangle ken ti Cabugao Cultural and Sports Complex kadagiti dadduma a naaramid nga sports events.
Nagatendar ni Mr. Meneleo B. Palma, CSEE, CESE, EPS 1- MAPEH, DepED-Ilocos Sur iti Championship Day (Setiembre 18, 2016) ket ni Mr. Ronel M. Ubaldo, District MAPEH Coordinator ti nagipakaammo kadagiti nagballigi a players ken zone iti nadakamat a kompetision kalpasanna.
Naipakaammo pay nga iti ili a Magsingal ti sumaruno nga ag-Host iti Unit Meet 2016 ngem maaramid dagiti sporting events ditoy Cabugao Athletic Oval, segun ken ni Mr. Palma. # (Web In-Action)
No comments:
Post a Comment