Cabugao, Ilocos Sur – Naiyam-ammo ni Mr. Kyle Connelly, US Peace Corps Volunteer a Taga-Cleveland, Ohio, USA kalpasan a naangay ti Flag Raising Ceremony ti LGU-Cabugao idi Setiembre 19, 2016 iti sango ti Rizal Barangay Hall (temporario a nakaibalayan ti Gobierno Munisipal iti agdama), Brgy. Rizal, Cabugao, Ilocos Sur.
Indauluan ni Mayor Josh Edward S. Cobangbang; Opisiales ti ili agraman iti Pamilia-LGU a nangimatang ken nangpasangbay ken ni Mr. Connelly iti dayta a gundaway.
Ti US Peace Corps Volunteer ket tumulong a mangiwardas iti pakaseknan ti Coastal Resource Management (CRM) ti ili, segun ken ni Municipal Fisheries Coordinator Milagros R. Paz a mangkuykuyog ken ni Mr. Connelly.
Iti agdama, naka-base ni Mr. Connelly iti Municipal Agriculture Office ket ditoy a tumulong iti aktibidad ken programa ti Fishery Banner iti nadakamat a Departamento ti LGU-Cabugao. # (Web In-Action)
No comments:
Post a Comment