Cabugao, Ilocos Sur – Naangay ti tallo nga aldaw a panagsanay dagiti Day Care Workers (DCWs) dagiti barangay ti ili a Cabugao, Ilocos Sur babaen iti panangisayangkat ti LGU-Cabugao ken iti Ahensia ti DSWD a naaramid idi Setiembre 21-23, 2016 iti St. Mark the Evangelist Parish Hall, Cabugao, Ilocos Sur. Napauluan ti nadakamat a panagsanay iti : Roll-out Training on the Utilization of the National Early Learning Curriculum and The National Early Learning Framework.
Iti Day 1, naangay ti Registration ken Opening Program ket nag-Welcome Remarks ni MSWD Officer Mrs. Lydia S. Gazmen ken Acknowledgement of Participants ni Social Welfare Assistant Leonora G. Reintar.
Nangipaay ti Mensahena ni Mayor Josh Edward S. Cobangbang. Kimmablaaw ken nagyaman iti amin a nagatendar iti panagsanay. Innayon ti Alkalde Munisipal a makikaysa isuna iti sektor-edukasion iti gannuat a pannakapadur-as ti kaammuan dagiti Day Care Workers (DCWs) babaen kadaytoy a panagsanay. Pinaregtana dagiti mangisursuro tapno itultuloyda a tarabayen ken hulmaen dagiti ubbing tapno agbalinda a naresponsable ken mapangnamnamaan nga umili.
Simmaruno a naibinsa dagiti Topiko a naiyadal kadagiti Day Care Workers (DCWs).
Iti Day 2, nadiskutir ti kaipapanan ti Roll-out Training on the Utilization of the National Early Learning Curriculum and The National Early Learning Framework.
Iti Day 3, naaramid ti Actual Observation in Day Care Centers ket naipasiar dagiti DCWs (maawagandan iti Child Development Workers) iti dua a Day Care Center iti ili a Sinait, Ilocos Sur.
Nagpaay a Resource Person da Ms. Noemi Kathleen Balbuena, ECCD Focal Person, DSWD Regional Office ken ni Ms. Irene Tabarangao, Provincial Focal Person. # (Web In-Action)
No comments:
Post a Comment