Friday, September 2, 2016

MAIKAPAT NGA ALDAW TI BATANG TI ZONE 2 SPORTS COMPETITION 2016

Cabugao, Ilocos Sur – Naangay ti Zone 2  Sports Competition 2016 iti Cabugao Athletic Oval, Cabugao South Central School, Cabugao, Ilocos Sur iti Setiembre 2, 2016.

Buklen ti Zone 4 dagiti pageskuelaan ti Turod Elementary School; Namruangan E/S; Daclapan E/S; Salomague E/S; Dardarat E/S; ken  ti Sabang E/S.


Immuna a naaramid ti Parada iti aglikmut ti Sports Oval sa naisaruno ti Opening Program iti CSCS School Stage. Kalpasan ti Opening Prayer ni Ms. Haydee T. Duque ket nakanta ti Philippine National Anthem ken ti Cabugao Hymn. Inakem ni Mr. Edison Solatre, Zone II President  ti Welcome Talk.

Simmaruno ti Presentation of Delegates babaen kadagiti School Sports Coordinator iti innem a pagadalan.

Nangted ti Mensahena ni Mayor Josh Edward S. Cobangbang. Kimmablaaw ken nagyaman ta napintas ti panagtutunos dagiti pageskuelaan a mangaramid kadaytoy a tinawen nga aktibidad ti sports iti Sona 2. Innayonna a  babaen iti pannakaasa ti kabaelan dagiti ubbing ket manynayonan ti padas ken laingda ngem kasapulan koma  a napakumbaba ti maysa a grupo wenno pagadalan a mangabak kadaytoy a salip kasta met laeng nga ammona koma ti mangawat iti pannakaabak dagiti di agballigi. 

Naragsakan ti Ama ti Ili ta naregget  dagiti pageskuelaan a katinnulong ti Gobierno Lokal a mangpadur-as iti programa ti Sports kadagiti agad-adal ken agtutubo a mangitag-ay iti kinadisiplina ken iti agtultuloy a  napintas a panaglalangen. 

Nagsarita met ni SBM Atty. Bryan Jett S. Pano, Committee Chair on Youth and Sports. Kunana a babaen iti sports ket manayonan ti gagayyem dagiti Players.  Inawisna ti amin nga interesado nga agkameng iti Cabugao Footboleros, maysa a pribado a grupo a pagsanayan dagiti agduyos kadaytoy nga ay-ayam. 

Naaramid ti Lighting of the Symbolic Torch babaen iti RIAA Participant; Athlete’s Oath ti binagi ni John Lester T. Veloria   ken Raising of the Zone III  Flag babaen kada Mr. Edison Solatre ken ni Mrs. Irene R. Garcia.


Natudingan ni Mr. Ronel M. Ubaldo, Head Teacher III a nangideklara ti pannakalukat ti paay-ayam. Impaay met ni Mayor Josh Edward ti Ceremonial Toss iti Volleyball  ken  binayabay da  SBM Atty. Bryan Jett S. Pano ken ni Mr. Ronel M. Ubaldo.

Dagiti sports events a napartisiparan dagiti nakapilian dagiti atleta ket iti Softball/Baseball; Volleyball; Basketball; Football; Table Tennis; Chess;  Athletics; Lawn Tennis.

Agpaay nga Officiating Officials dagiti mangisursuro/dadaulo  kadagiti pagadalan a masakupan ti tunggal sona.

Ti Zone Meet ket naituding a pakaangayan a pangipakitaan  ti kabaelan dagiti ubbing nga adda potensialna iti panagay-ayam iti nadumaduma nga sports events iti las-ud ti napagtitipon a pagadalan. Ditoy pay ti pakapilian dagiti Atletaiti tunggal Game Event a mangibagi iti maangay a District Meet iti Cabugao DepED.

Kangrunaan a mangtartarawidwid kadagiti mapasamak nga sports activities iti Cabugao DepED ni Mr. Ronel M. Ubaldo, Head Teacher III, Salomague E/S ken agdama a District PESS Coordinator.  # (Web In-Action)

No comments:

Post a Comment