Cabugao, Ilocos Sur – Naangay ti District English Festival 2016 ti Cabugao DepED District a nagpartisiparan ti 26 a pageskuelaan ti Cabugao, Ilocos Sur iti Setiembre 13, 2016 iti Social Hall, Cabugao South Central School, Brgy. Bonifacio, Cabugao, Ilocos Sur. Ti nasao nga aktibidad ket addaan ti Tema: “The Role of English Language in Promoting Multi-literacies and Sustainable Societies.”
Naangay ti ababa a programa sakbay a naaramid ti Contest Proper iti Draw and Tell (Kinder); Spelling (Grade III); Declamation (Grade V); Poem Recitation (Grade 1), Quiz Show (Grade IV) Story Retelling (Grade IV), Essay (Grade VI), Spelling (Grade III), Oral Reading (Grade II), ken ti Oral Interpretation (Grade VI).
Kalpasan ti Words of Welcome ni Mrs. Melvi S. Sajonia, Principal II, CSCS, nangipaay ti Inspirational Message ni Mayor Josh Edward S. Cobangbang. Kimmablaaw ken nagyaman iti amin a nagatendar iti programa. Dinakamatna iti pateg ti English Subject a patan-ayen ti maysa nga agad-adal uray pay iti uneg ti pagtaenganda tapno mapatasanda dagiti maadal iti yaagpangda iti nangatngato a benneg ti pagadalan.
Innayon ni Mayor Josh Edward a kasapulan nga ag-excel ti agad-adal kadaytoy a pagsasao tapno saan a maudi iti panagdur-as ti Teknolohia ken Edukasion. Nupay kasta, inggunamgunamna nga agtalinaed koma iti respeto ti tumunggal maysa ken ipakita ti napakumbaba a kababalin iti pannakilangen iti kagimongan.
Kalpasan dagiti maiballaet nga intermission number, naipresenta dagiti makikontes ken dagiti agserbi a Hurado nga inyam-ammo ni Mrs. Nora R. Quibilan, MT2 – Sabang E/S. Inted ni Mrs. Madelene S. Sonido, Presidente ti CDETO iti Orientation/Guidelines/Criteria kadagiti maangay a salip. Aggigiddan a maipatungpal dagiti mapagkokontesan nga aktibidad.
Buklen dagiti dadaulo ti Hurado da: Mrs. Lydia S. Gazmen; Miss Mildred Naval; Mr. Rodel P. Suniega; Mr. Dario Roy Siruno; Mrs. Eufrocina N. Pante; Mr. Jose Singson, Jr.; Mrs. Estrellita M. Siruno; Mr. Genaro Solmerin ken ni Mrs. Julia Cayso.
Nagpaay met a Hurado da Dr. Consesa T. Rumias; Mrs. Melvi S. Sajonia; Mrs. Estrellita M. Siruno; Mr. Rodel P. Suniega ken ni Mr. Genaro S. Solmerin iti Reading Corners Evaluation Team. # (Web In-Action)
No comments:
Post a Comment