Cabugao, Ilocos Sur – Naaramid ti District Escoda Celebration babaen iti Tema: “GS help end poverty, fight inequality & injustice and tackle climate change” babaen kadagiti kameng ti Girl Scouts of the Philippines (GSP), Cabugao District idi Setiembre 18, 2016 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran ti 26 a pageskuelaan ti Elementaria iti ili a Cabugao, Ilocos Sur.
Sakbayna, naangay ti Nasantuan a Misa iti Cabugao Catholic Church sakbay a naaramid ti Girl Scout Celebration Program iti Cabugao Cultural and Sports Complex.
Naaramid ti Re-dedication to the GS Promise and Law babaen iti Cabugao South CS Girl Scout, Star Scout Promise babaen ti Cuantacla E/S Star Scout, Star Scout Law ti Turod E/S Star Scout ken Twinkler Promise and Law babaen iti Pug-os E/S Twinklers.
Nangipaay ti Welcome Talk ni Mrs. Estrellita M. Siruno, Principal II, Cabugao North CS ken Field Adviser ti Girl Scout. Inawisna manen ti kaaduan a makikaysada iti pannakaseremonia ti kabibiag ni Josefa Llanes Escoda, kangrunaan a pundador ti Girl Scouting ken maysa isuna nga Ilokana.
Simmaruno ti Presentation of Participants thru Yells by school babaen iti panangtarawidwid ni Mrs. Evangeline Garcia, Sec., GSP TLA sa naisaganad a naangay iti ESCODA CEREMONY babaen iti panangiwardas da Mrs. Melvi S. Sajonia ken ni Mrs. Estrellita M. Siruno, agpada a Principal II ken GS Credentialed Trainers, In-Charge.
Nangipaay ti mensahe ni SBM Atty. Randy B. Kinaud a nangibagi ken ni Mayor Josh Edward S. Cobangbang. Dinayaw ti Konsehal ti napintas a panagkakammayet dagiti ubbing a babbai, nagannak, Guardians ken Teachers a nangtarabay kadagiti annakda a makipaset kadaytoy a programa. Dinakamatna ti namaris a kabibiag ni Josefa Llanes Escoda ken iti importansia iti pakabuklan ti Tema ti selebrasion ita a Tawen 2016.
Naisaruno ti Introduction of the Guest of Honor and Speaker babaen ken ni Mrs. May Joy S. Ranchez, CNCS Troop Leader.
Nagpaay a Guest of Honor ken Speaker ni Dr. Ivy Castro Bello, Diplomate Obstetrician.
Kimmablaaw ken nagyaman ni Dr. Bello iti naited kenkuana a gundaway a mangipaneknek ti pateg ti Girl Scout a pakasanayan ken pakasursuruan kadagiti napapateg a galad dagiti agad-adal a babbai.
Pinadayawan met ni Dr. Castro dagiti ubbing, estudiante, nagannak, Guardians, Teachers, GSP Officers ken Municipal Officials kadaytoy a naballigi a pannakaseremonia iti kabibiag ni Josefa Llanes Escoda, Ilokana a Founder ti Girl Scouting.
Kalpasanna, naipaay ken ni Dr. Bello iti Certificate of Appreciation iti pannakaawisna a nagsarita itoy a taripnong babaen kadagiti Opisiales ti Scouting ti Cabugao DepED District.
Naisaganad a nagpabuya dagiti ubbing a mangibagi iti UCCP Twinklers; Zone 1; Zone II; Zone III ken Zone IV babaen iti panangirepresentar ti Pug-os E/S Girl Scouts; Salomague E/S Girl Scouts; Sagayaden E/S Girl Scouts; Cuantacla E/S Girl Scouts kas panagsaganadda.
Nag-Closing Remarks ni Mrs. Evangeline U. Seatriz, President, Cabugao GSP Troop Leaders Association. Nagyaman iti amin a nakipartisipar iti naballigi a resulta ti selebrasion iti Girl Scouting.
Nagpaay nga Emcee da Ms. Digna Talusig ken Ms. Lory-Anne Sistoza. # (Web In-Action)
No comments:
Post a Comment