Cabugao, Ilocos Sur – Maang-angay ti dua nga aldaw a Cabugao District Sports Competition 2016 (Setiembre 16-17, 2016) iti Cabugao Athletic Oval, Cabugao South Central School, Brgy. Bonifacio, Cabugao, Ilocos Sur.
Dagiti agsasalip ket dagiti napili nga atleta iti uppat a Zona iti naangay a Zone Meet iti kallabes iti 26 a pageskuelaan a nakabuklan dagiti sumaganad: Zone 1- dagiti pageskuelaan ti Pug-os, Reppa-ac, Nagsantaan, Salapasap, Bungro, Margaay ken ti Cabugao North CS; Zone 2- dagiti pageskuelaan ti Turod, Namruangan, Daclapan, Salomague, Dardarat ken Sabang; Zone 3- Cabugao South CS, Sagayaden, Pila, Nagsincaoan ken Lipit; Zone 4 – dagiti pageskuelaan ti Maradodon, Catucdaan, Sisim, Cael-layan, Cuantacla, Aragan, Arnap ken Carusipan.
Mairaman met ditoy nga agsasalip dagiti Players dagiti sekundaria a pageskuelaan a kas iti Cabugao National High School; Pug-os NHS; Sisim NHS; Lipit NHS ken iti Cabugao Institute.
Iti rugi ti Kompetision, Setiembre 16, 2016 ket naangay ti Parada iti aglikmut ti Poblasion a nagpartisiparan dagiti Atleta, Officiating Officials, Coaches, FPTA Officials, ken Guests.
Nagtungpal ti Parada iti sango ti napapintas nga Stage ti likud ti Cabugao South Central School ket ditoy a nairugi ti Programa.
Pakauna a sarita ti inted ni Mrs. Melvie S. Sajonia, Principal II, Cabugao South Central School ket impeksana ti nalaus a panagyamanda ta ditoy a pageskuelaan ti nakaipasdekan ti Cabugao Athletic Ground a pakaangayan manen dagiti dadakkel nga Sports Events ti DepED kas ita iti District Meet ita a Tawen 2016. Pinagyamanan pay ti Principal ti Gobierno Munisipal nga idauluan ni Mayor Josh Edward S. Cobangbang iti agtultuloy a panangilungalongda a mapasayaat dagiti pasilidad ti pagay-ayaman kasta metten iti agtultuloy a suporta ti LGU-Cabugao kadagiti aktibidad ti sports ken iti eskuela.
Naaramid ti Lighting of the Symbolic Torch babaen kadagiti 2016 RIAA Cabugao Athletes.
Nangipaay ti Inspirational Message ni Mayor Josh Edward S. Cobangbang ket kimmablaaw ken nagyaman iti pagsayaatan a maaramidan ti sports kadagiti ubbing ken agtutubo ken iti kinaregta dagiti mangisursuro a katulongan latta a manghulma iti panagtan-ay dagiti ubbing nga agbalin a naresponsable nga umili.
Pinadayawan pay ti Ama ti Ili iti partisipasion ti Federated PTA Officials ken dagiti School Heads iti pannakikaysada a nangisagana kadaytoy a pasilidad ti pagay-ayaman tapno mausar kadaytoy a District Competition. Impeksa ti Ama ti Ili iti ragsak ken panagyamanna iti sangsangkamaysa a kinapintas ti panagbibinnadang iti pannakaisagana daytoy nga Athletic Ground. Inggunamgunamna a mapagtalinaed koma latta iti sportsmanship kadagiti maaramid a paay-ayam ken agtultuloy koma iti napakumbaba a pannakaipatungpal dagiti annuroten iti sports.
Nangipaay met ti Mensahe ni SBM Atty. Bryan Jett S. Pano, Committee Chair on Sports ket dinayawna ti napintas a panangkomplementar ti pageskuelaan kadagiti ilungalong ti LGU-Cabugao a pagsayaatan ti sports.
Naisaruno a naaramid ti Presentation of Athletic Delegation iti uppat a sona babaen kadagiti Presidente-da ken dagiti pageskuelaan-sekundaria a mairaman iti Kompetision. Kalpasan a naaramid ti nagsaganad nga Intermission Number ti Lipit National High School Dance Troupe, indauluan ni Christian Morales, 2016 Palarong Pambansa Athlete Leader a binalikas ti Athlete’s Oath.
Naisaganad iti pannakaisa ti District Athletic Flag babaen ken ni Mr. Ronel M. Ubaldo, District MAPEH Coordinator ken iti Raising of the Zone Delegation Flags babaen kadagiti Zone Presidents & Zone Muses.
Imbagian ni Mr. Ronel M. Ubaldo ni Mr. Meneleo B. Palma, CSEE, CESE, EPS 1- MAPEH a nangideklara ti pormal a panaglukat ken panagrugi ti paay-ayam. Binagina pay ti Words of Gratitude ti programa. Kimmablaaw ken nagyaman iti amin nga adda akemna iti naballigi a pannakaipatungpal daytoy nga sports competition.
Makipaset dagiti kameng ti Cabugao Rescue itoy a dua nga aldaw a paay-ayam ti Cabugao DepED District. # (Web In-Action)
Dagiti agsasalip ket dagiti napili nga atleta iti uppat a Zona iti naangay a Zone Meet iti kallabes iti 26 a pageskuelaan a nakabuklan dagiti sumaganad: Zone 1- dagiti pageskuelaan ti Pug-os, Reppa-ac, Nagsantaan, Salapasap, Bungro, Margaay ken ti Cabugao North CS; Zone 2- dagiti pageskuelaan ti Turod, Namruangan, Daclapan, Salomague, Dardarat ken Sabang; Zone 3- Cabugao South CS, Sagayaden, Pila, Nagsincaoan ken Lipit; Zone 4 – dagiti pageskuelaan ti Maradodon, Catucdaan, Sisim, Cael-layan, Cuantacla, Aragan, Arnap ken Carusipan.
Mairaman met ditoy nga agsasalip dagiti Players dagiti sekundaria a pageskuelaan a kas iti Cabugao National High School; Pug-os NHS; Sisim NHS; Lipit NHS ken iti Cabugao Institute.
Iti rugi ti Kompetision, Setiembre 16, 2016 ket naangay ti Parada iti aglikmut ti Poblasion a nagpartisiparan dagiti Atleta, Officiating Officials, Coaches, FPTA Officials, ken Guests.
Nagtungpal ti Parada iti sango ti napapintas nga Stage ti likud ti Cabugao South Central School ket ditoy a nairugi ti Programa.
Pakauna a sarita ti inted ni Mrs. Melvie S. Sajonia, Principal II, Cabugao South Central School ket impeksana ti nalaus a panagyamanda ta ditoy a pageskuelaan ti nakaipasdekan ti Cabugao Athletic Ground a pakaangayan manen dagiti dadakkel nga Sports Events ti DepED kas ita iti District Meet ita a Tawen 2016. Pinagyamanan pay ti Principal ti Gobierno Munisipal nga idauluan ni Mayor Josh Edward S. Cobangbang iti agtultuloy a panangilungalongda a mapasayaat dagiti pasilidad ti pagay-ayaman kasta metten iti agtultuloy a suporta ti LGU-Cabugao kadagiti aktibidad ti sports ken iti eskuela.
Naaramid ti Lighting of the Symbolic Torch babaen kadagiti 2016 RIAA Cabugao Athletes.
Nangipaay ti Inspirational Message ni Mayor Josh Edward S. Cobangbang ket kimmablaaw ken nagyaman iti pagsayaatan a maaramidan ti sports kadagiti ubbing ken agtutubo ken iti kinaregta dagiti mangisursuro a katulongan latta a manghulma iti panagtan-ay dagiti ubbing nga agbalin a naresponsable nga umili.
Pinadayawan pay ti Ama ti Ili iti partisipasion ti Federated PTA Officials ken dagiti School Heads iti pannakikaysada a nangisagana kadaytoy a pasilidad ti pagay-ayaman tapno mausar kadaytoy a District Competition. Impeksa ti Ama ti Ili iti ragsak ken panagyamanna iti sangsangkamaysa a kinapintas ti panagbibinnadang iti pannakaisagana daytoy nga Athletic Ground. Inggunamgunamna a mapagtalinaed koma latta iti sportsmanship kadagiti maaramid a paay-ayam ken agtultuloy koma iti napakumbaba a pannakaipatungpal dagiti annuroten iti sports.
Nangipaay met ti Mensahe ni SBM Atty. Bryan Jett S. Pano, Committee Chair on Sports ket dinayawna ti napintas a panangkomplementar ti pageskuelaan kadagiti ilungalong ti LGU-Cabugao a pagsayaatan ti sports.
Naisaruno a naaramid ti Presentation of Athletic Delegation iti uppat a sona babaen kadagiti Presidente-da ken dagiti pageskuelaan-sekundaria a mairaman iti Kompetision. Kalpasan a naaramid ti nagsaganad nga Intermission Number ti Lipit National High School Dance Troupe, indauluan ni Christian Morales, 2016 Palarong Pambansa Athlete Leader a binalikas ti Athlete’s Oath.
Naisaganad iti pannakaisa ti District Athletic Flag babaen ken ni Mr. Ronel M. Ubaldo, District MAPEH Coordinator ken iti Raising of the Zone Delegation Flags babaen kadagiti Zone Presidents & Zone Muses.
Imbagian ni Mr. Ronel M. Ubaldo ni Mr. Meneleo B. Palma, CSEE, CESE, EPS 1- MAPEH a nangideklara ti pormal a panaglukat ken panagrugi ti paay-ayam. Binagina pay ti Words of Gratitude ti programa. Kimmablaaw ken nagyaman iti amin nga adda akemna iti naballigi a pannakaipatungpal daytoy nga sports competition.
Makipaset dagiti kameng ti Cabugao Rescue itoy a dua nga aldaw a paay-ayam ti Cabugao DepED District. # (Web In-Action)
No comments:
Post a Comment