Friday, September 23, 2016

“GANDANG BALAT, PARA SA LAHAT”, NAARAMID TI KONSULTASION IDIAY RHU

Cabugao, Ilocos Sur -  Naaramid ti Free Skin Consultation (Kilatis Kutis) with Free Oral Topical Medications babaen iti panangiwayat dagiti Mangngagas ti Dr. Jose N. Rodriguez Memorial Hospital, Metro Manila babaen iti pannakikammayetda iti Department of Health (DOH)-Dermatology and Leprosy Care Services.



Sakbayna, naikoordinar daytoy nga idadateng dagiti mangngagas babaen iti  panangipakaammo dagiti Barangay Health Workers (BHWs) ti LGU-Cabugao agraman dagiti Medical Personnel ti RHU-Cabugao kadagiti umili ken agnaed iti barangay maipapan iti libre a konsultasion daytoy a libre a panagagas.

Kabayatan ti konsultasion idiay RHU Building,  nagatendar  ni Mayor Josh Edward S. Cobangbang iti pannakapasangbay dagiti sangaili a  Mangngagas ket impeksa ti Ama ti Ili iti panagyamanna  kadakuada iti naidanon a serbisio-medikal para kadagiti kailianna ditoy Cabugao.

Malaksid iti maited a libre a konsultasion kadagiti pasiente ket maikkanda  pay iti maitutop nga agas no adda matakuatan nga an-annayenda ken babasaen (Primer) tapno maedukaran dagiti tattao a mangliklik iti sakit ti Leprosy (Hansen Disease). # (Web In-Action)

No comments:

Post a Comment