Cabugao, Ilocos Sur – Naangay ti 2018 Metrobank-MTAP-DEPEd Math Challenge District Elimination in Elementary iti Cabugao DepED District iti Cabugao North Central School, Brgy. Rizal, Cabugao, Ilocos Sur idi Enero 18, 2018.
Nakipaset dagiti napili nga ubbing iti kada eskuela kadagiti pagadalan ti Cabugao DepEd District.
Immuna a naaramid ti Opening Program iti Cabugao Cultural and Sports Complex sa naisaganad ti panageksamen dagiti ubbing.
Ditoy Cabugao DepED District, naangay ti Eksaminasion dagiti Math Contestants kadagiti pasdek-pagadalan ti Cabugao North Central School, Brgy. Rizal, Cabugao, Ilocos Sur.
Kanaig daytoy, panggep ti Math Challenge a mangpasayaat pay iti kalidad ti Mathematics Education tapno maiyintek ti laing kadagiti ubbing kadaytoy nga asignatura nga agballigida iti benneg ti Elementaria iti amin a Distrito ti DepED. Kasta pay a mamuli dagiti ubbing para iti promotion of leadership, cooperation, sportsmanship ken camaraderie-da kadagiti kapatadanda. # (Web In-Action)
No comments:
Post a Comment