Cabugao, Ilocos Sur – Naituding manen ti panagseserrek ti klase (Elementaria ken High School) iti Enero 3 (Miyerkules) ita a Tawen 2018 kalpasan iti napaut a Holiday ti Paskua 2017 ken iti Baro a Tawen 2018.
Maigapu itoy, aktibo dagiti ubbing ken estudiante a napan iti pagadalanda tapno itultuloyda ti agbasa agingga a maileppasda dagiti asignaturada iti panagbabakasion ti klase iti Tawen 2018.
Kabayatanna, agtultuloy met nga aramiden dagiti nagannak ken mangisursuro dagiti pagrebbenganda ken obligasionda iti pagadalan/komunidad tapno maitedda dagiti kasapulan dagiti annakda wenno ay-aywananda nga agad-adal.
Dagitoy a buya iti panagrubuat ti Tawen 2018 ket paset ken pakakitaan iti agtultuloy a pannakatubay ti isip dagiti ubbing/agtutubo tapno mapagbalinda a “Nationbuilder” ken naresponsable a makipagili. # (Web Situational Report)
No comments:
Post a Comment