Thursday, January 11, 2018

RENEWAL/APPLICATION TI BUSINESS PERMIT, DEADLINE TI ENERO 20

Cabugao, Ilocos Sur – Nangrugi idi Enero 3, 2018 iti panagsakada dagiti umili nga adda negosiona iti Business Permit (new applicant, renewal)    ditoy Munisipalidad a pakairamanan  idiay NISTC Public Market.

Naawagan iti Business One Stop Shop wenno BOSS    iti sangsangkamaysa a wagas ti  panagala iti Business Permit 2018 ditoy LGU Cabugao.

Naiplastar  ti napagsisilpo a lamisaan iti  uneg  ti pasdek ti Early Childhood Care and Development  a pakakitaan kadagiti pannakabagi ti nadumaduma a Departamento ti Opisina ti  LGU kasta metten  dagiti dadduma pay nga Ahensia iti salinong ti LGU Cabugao kas iti Bureau of Fire Protection (BFP); PNP; SSS; Pag-ibig ken RHU a pakaiprosesuan dagiti papeles sakbay a magun-od ti permit 
ti negosio.

Daytoy nga addang ken wagas ket maar-aramid iti umuna a bulan ti kada Tawen tapno maipadaras ti panagsakada dagiti umili  a maseknan iti business permit.

Maibatay iti pakaammo ti Munisipio,  naikeddeng nga Enero 20, 2018 ti deadline iti  panagsakadaan (pabaro/new permit) iti Business Permit. # (Web In-Action)

No comments:

Post a Comment