Cabugao, Ilocos Sur – Agtultuloy a maus-usar ti igid ti National Highway kadagiti barangay nga asideg ti Poblasion ken iti asideg ti NISTC Public Market, Cabugao, Ilocos Sur a pagisadaan dagiti Komersiante ti nateng a mangibiahe kadagiti lakoda iti sabali a lugar a kas idiay Cagayan; Urdaneta, Pangasinan; Balintawak, Quezon City ken iti Divisoria, Quiapo, Manila.
Iti kallabes a tawen, nangrugida nga agoperar idi bulan ti Oktubre 2017 ken agpatinggada iti arinunos ti Mayo itatta a tawen gapu ta agtultuloy latta iti mailakoda a nateng iti deretso a panagmula dagiti mannalon.
Iti itatapog ti Tawen 2018, madlaw iti bulto ti nateng a maibiahe a mailako kadagiti Merkado iti sabali a lugar nupay adda met panagbaba ti presio. Ngem ketdi saanda a maupay ta tonelada met ti pagsasaritaan iti panaglakoda. Iti panagadu ti apit ket dakkel met ti bulto ti nateng a maibiaheda ket ad-adu met laeng ti maganansiada nga agas ti bambannogda.
Innayonda a malaksid kadagiti indibidual ken dadakkel a restaurant iti aggatang ket maibilang pay dagiti Paktoria nga agkasapulan kadagitoy a nadakamat a nateng nangruna iti nagasang a sili. # (Web In-Action)
No comments:
Post a Comment