Friday, January 5, 2018

RIZAL DAY 2017, NASELEBRARAN

Cabugao, Ilocos Sur – Naselebraran ti panagpiesta ti Barangay Rizal, Cabugao, Ilocos Sur idi Disiembre 29-30, 2017  a  panglagip ti kinatan-ok ti Nailian a Bannuar, Dr. Jose Paciano  Rizal  a nakaipanaganan ti nadakamat a Barangay iti Poblasion.

Iti kabigatan ti Disiembre 29, 2017, naaramid  ti  Film Viewing “Jose Rizal’s Life” iti Barangay Hall; Quiz Bee, Rizal’s Life iti Barangay Hall met laeng a naaramid. Kamalman daytoy a petsa ket naaramid ti “Zumba Party” iti Cabugao Cultural and Sports Complex.

Iti Disiembre 30, 2017, naangay ti Flag Raising Ceremony nga inatendaran dagiti Opisiales ti Barangay Rizal nga indauluan ni Brgy. Captain Thaddeus “Teddy” U. Soller; dagiti Opisiales ti Asosasion iti las-ud ti barangay ken dagiti lumugar iti barangay a nakipiesta. Naisaruno ti Floral Offering iti sakaanan ti Monumento ni Dr. Jose P. Rizal babaen iti sibubukel a kameng ti Konseho ti Barangay Rizal.

Naaramid dagiti Parlor Games a nagpartisiparan dagiti Senior Citizens; agkabannuag; ub-ubbing a nangabakanda kadagiti naruay a papremio.

Nakikaysa iti panagselebrar ni Mayor Josh Edward S. Cobangbang. Kinablaawanna dagiti Opisiales ken lumugar iti Barangay Rizal iti naragsak a panagpiesta ti barangay-da. 

Naangay ti Thanksgiving Mass iti kamalmanna  iti sango ti Barangay Hall iti Barangay Rizal ket inatendaran dagiti lumugar. Naisaganad ti Supper ket nalak-am dagiti naisagana a pagtaraon babaen kadagiti nagatendar kalpasan ti Misa.
Naisaganad ti Programa iti arubayan ti Barangay Hall. # (Web In-Action)

No comments:

Post a Comment