Thursday, January 4, 2018

GENERAL CLEANING KALPASAN TI HOLIDAY SEASON

Cabugao, Ilocos Sur – Naaramid ti panaglinis iti Kalsada Nasional, Provincial ken Processional Routes,  aglawlaw ken iti uneg dagiti LGU Building ken Government Center, pampubliko a pasilidad a kas iti Plaza, Parke agraman iti NISTC Public Market babaen kadagiti Personnel ti LGU-Cabugao iti matapogan ti Tawen 2018.

Kabayatanna, tumultulong dagiti umili a nagdalus iti mabatogan ti pagtaenganda babaen iti panangiwanwan dagiti Opisiales ti Purok ken  Barangay-da ken iti inisiatiba dagiti Asosasion iti Barangay ken dagiti  adda iti salinong ti LGU. 

Kabayatanna, aktibo dagiti bumarangay ken NGOs a tartarabayen dagiti Opisiales ti Barangay iti pannakadalus dagiti kalsada, aglawlaw ken iti igid ti kabaybayan kadagiti pito a coastal barangay ti ili sakbay,  kabayatan ken kalpasan ti Holiday Season 2017-2018.

Kanaig daytoy,  naregget ti agtultuloy a panagdalus dagiti mangtarawidwid iti Clean-up Drive ti  NISTC Public  Market nga idauluan ni Mrs. Norma S. Bertumen, Market Supervisor tapno mamantener ti kinadalus iti aglawlaw ken iti pagtagilakuan kalpasan ti pannakaselebrar ti Paskua 2017 ken iti pannakatapog iti Tawen 2018. 

Dagitoy nga aksion ken inisiatiba ket paset iti Clean-up Drive ti Munisipio a mangmantener iti kinalinis ti aglawlaw a maysa a kangrunaan a programa ti LGU-Cabugao nga idauluan ni Mayor Josh Edward S. Cobangbang. # (Web In-Action)

No comments:

Post a Comment