Cabugao, Ilocos Sur – Kalpasan ti pannakaangay ti Season-Long Farmers Field School on Sustainable Rice Production Wet Season idi Tawen 2017 kadagiti mannalon iti Barangay Aragan, Cabugao, Ilocos Sur, maang-angay manen ti Local Farmer Technician Led Farmers Field School on Sustainable Corn Production iti Dry Season 2018 iti nadakamat a barangay.
Daytoy a panagadal ket inesponsoran ti Dapartment of Agriculture (DA) ken iti LGU-Cabugao nga idauluan ni Mayor Josh Edward S. Cobangbang ken ipatungpal ti DA-LGU Cabugao nga imatonan ni Municipal Agriculturist Robert S. Savella.
Segun ken ni Mr. Obas Bill Y. Baclig, AT, Supervising/Facilitator iti nadakamat a proyekto a kaduana met laeng dagiti Local Farmer Technician (LFT) nga isuda Mr. Henry B. Saliganan ken ni Mr. Bert Vicente.
Innayon ni Mr. Baclig a nangrugi ti panagadalda iti umuna a lawas ti Nobiembre 2017 ket agpatingga inton Pebrero 2018. Napili iti 30 a Farmer Cooperators iti nadakamat a panagadal idinto ta addaan dagitoy iti sag-1,250 Square Meters a Learning Field-da. Maaramid ti panagadal iti kada aldaw ti Martes ken manamnama a maileppas iti 16 a weekly meetings.
Iti daytoy a panagadal, maar-aramid ti Variety Trial iti 4 a Treatments ken uppat ti klasena a mais.
Dagitoy nga aksion ket parte iti panangidur-as ti programa ti Munisipio iti Sektor Agrikultura tapno ma-update dagiti mannalon kadagiti kabaruanan a Teknolohia iti panagmula ti mais. # (Web In-Action)
No comments:
Post a Comment