Friday, January 12, 2018

SUPPLEMENTAL FEEDING TI DAY CARE, AGTULTULOY ITI TAWEN 2018

Cabugao, Ilocos Sur – Mismo a dagiti Child Development Workers (CDWs) ti umay agala ti kaibatogan nga alaenda a bagas ken dadduma pay a mainayon a pagtaraon  a para iti panagpa-Feeding-da iti ituyangda nga eskediul itay Tawen 2017. Rinuk-atan met dagiti pannakabagi ti MSWDO dagiti naited a kasapulan dagiti Child Development Workers kadaytoy nga usuat. Maaramid ti panagpakan kadagiti ubbing kadagiti aldaw a panagbasada iti deretso nga innem a bulan manipud iti panangrugi ti eskediul.

Iti pannakiuman ti Web In-Action ken ni MSWD Officer Mrs. Lydia S. Gazmen itay nabiit, kunana a tinawen a maar-aramid daytoy a programa a para kadagiti ubbing ket inaldaw a maikkanda iti suplementar a pagtaraon babaen iti panangisagana dagiti Child Development Workers (CDWs)  kadagiti maluto a maipasango. 

Iti agdama,  ita a Tawen 2018 ket maitultuloy ti programa iti panagpakan agingga iti bulan ti Marso. Imbatad dagiti Child Development Workers (CDWs)  a naannayas ti pannakaipatungpal ti programa kadagiti barbarangay a pakasarakan dagiti Day Care Center (DCC).

Nailunsad ti Supplemental Feeding Program ita nga School Year 2017-2018  kadagiti ubbing nga imatmatonan dagiti Child Development Workers (CDWs)  kadagiti Day Care Centers dagiti barangay ti Munisipalidad ti Cabugao. # (Web In-Action)

No comments:

Post a Comment