Wednesday, January 17, 2018

BFAR BOAT & FISHERFOLK REGISTRATION, AGTULTULOY PAY LAENG

Cabugao, Ilocos Sur – Maang-angay ti Boat Registry System ken Fisherfolk Registration ditoy nga ili babaen kadagiti  pannakabagi ti Bureau of Fisheries and Aquatic Resources (BFAR) kadagiti agtagikua ken crew dagiti fishing vessels ditoy ili a Cabugao, Ilocos Sur ken kasta metten kadagiti mangngalap a kameng ti Pederasion.

Tartarabayen ida ni Mr. Nereo S. Daproza, Municipal Fisheries Coordinator kabayatan iti kaadda dagiti BFAR Personnel iti Munisipio ken kasta metten iti  pannakaisubmiter dagiti kasapulan a papeles dagiti boat owners ken dagiti  crew members ken dagiti pormas a pirmaan dagiti mangngalap.

Sakbayna, inlunsad ti BFAR-Ilocos Sur ti Boat Registry System (BoatR) tapno maestablisar iti Simplified and Standardized National Registration dagiti mangngalap, fishing gears ken dagiti fishing vessels.

Tapno maaramid daytoy, naikkan ti tunggal LGU iti gundaway a mangirehistro kadagiti masakupanda a mangngalap ken dagiti pagkalap tapno maaramid iti information online iti fisheries sector.

The BoatR ket agpaay a pagibasaran iti National Programs ti Aquaculture. Panggepna pay a lappedan iti llegal, unreported ken  unregulated fishing.  Sagudayen ti Republic Act 8550 or Fisheries Code of the Philippines, madusa ti asinoman nga agkalap nga agusar iti eksplosibo, panagkoriente ken panagsabidong wenno panagtuba ti ikan.

Iti biang ti indibidual a rehistrasion ti mangngalap, kasapulan a mairehistro dagiti husto nga agkalkalap tapno mairamanda kadagiti benepisio ken programa nga itden ti Ahensia ti BFAR ken ti LGU. 

Dagitoy nga aksion ken inisiatiba ket paset iti panangpatibker ti Munisipio kadaytoy a Sektor tapno maikkan iti naan-anay a pannakaasikaso iti pakaseknan ken kasapulanda.  # (Web In-Action)

No comments:

Post a Comment