Cabugao, Ilocos Sur – Agpada ti kasayaat iti pannakarambak ti Paskua 2017 ken iti pannakaselebrar ti Baro a Tawen 2018 iti ili a Cabugao, Ilocos Sur.
Kamalman ti Disiembre 31, 2017 ket naggatangen dagiti umili ti torottot ken mapagsasanguanda iti media noche ken countdown ti 2017 ken 2018 iti umay a rabii.
Nakipaset ti LGU-Cabugao iti naangay a Midnight Mass idi Disiembre 24, 2017.
Kanaig itoy, naaramid ti Nasantuan a Misa iti agsapa ti Enero 1, 2018 (nagsaruno) iti Simbaan Romano Katolika ken kasta metten kadagiti dadduma a Simbaan, Kapilia ken Denominasion ti Pammati a nangsarabo iti isasangbay ti Baro a Tawen 2018.
Naragsak, narambak, natalna ken nasayud ti pannakaselebrar ti New Year 2018 ditoy ili ti Cabugao, Ilocos Sur maigapu iti pannakamantener ti linak ken talna iti napaut a Holiday Season.
Iti espiritual a benneg, narambakan ken napintas ti panagselebrar dagiti dadduma a Sekta ti Pammati iti Paskua 2017 ken iti New Year 2018.
Intultuloy met latta dagiti pamilia, agkakabagian, ken aggagayyem iti nagselebrar babaen iti piknik, salu-salo ken panagpasiar kadagiti tourist destinations a masarakan iti lokalidad. Adu met ti nagselebrar iti sidong lattan dagiti patpatgenda ti biag.
Saan a mapunas ti kaugalian iti Kultura ni Ilokano nga iti panagsukat ti Tawen ket kaipapananna ti Baro a Namnama nga agballigi babaen iti Baro a Gannuat ken Sirmata iti Biag. # (Web Situational Report)
No comments:
Post a Comment