Cabugao, Ilocos Sur – Segun ken ni Municipal Rice Program Coordinator Nathaniel B. Galamgam, adda ita 286 ektaria a natalon, 300 a bilang ti mannalon kadagiti barangay ti ili a pakasarakan iti disso dagitoy a 2nd Crop Riceplants (Nobiembre 2017 - Pebrero 2018).
Iti pannaki-amad ti Web In-Action iti Municipal Rice Program Coordinator a nga adda pay laeng ti danum a mausarda nga aggapu iti puttotda iti Cabugao River nga usarenda a mangpatan-ay kadagiti mulada agingga iti bulan ti Pebrero 2018 a manamnama a panagapitda kasta metten iti suplay iti irigasion; bubon ken ubbog.
Innayonna nga uppat ti kangrunaan a paggapuan ti suplay ti padanum a kas iti Fully Irrigated Canal; Shallow Tube Well (STWs); Spring (ubbog) ken iti Open Water.
Imbatadna a mamantener ti rice self-sufficiency ti Munisipalidad iti agdama.
Manamnama a maapitan dagitoy a lokasion iti pagtatalonan ti 2nd Crop 2017-2018 ken mangnayon pay iti 14,660.20 a metrika-tonelada a produksion iti naapit iti Wet Season 2017 (Hunio-Nobiembre). # (Web In-Action)
No comments:
Post a Comment