Thursday, March 21, 2013

2ND RECOGNITION PROGRAM TI SISIM NHS, NAANGAY

Cabugao, Ilocos Sur – Naangay ti 2nd Recognition Program babaen iti Tema: “ Responding the Global Challenge through Relevant Education” iti Sisim National High School, Brgy. Sisim , Cabugao, Ilocos Sur idi Marso 20, 2013 iti School Auditorium a nagpartisiparan dagiti agad-adal ti Grade 7 ken 2nd Year, nagannak, mangisursuro, lumugar ken Opisiales dagiti pito a catchment barangays kas iti Maradodon, Cael-layan, Catucdaan, Sisim, Aragan, Alinaay, Turod Patac ken Aragan.

Naluktan ti programa babaen iti Opening Remarks ni Mrs. Rosemelinda D. Baclig, OIC. Inawisna ti imatang ti kaaduan a makipagdanggay iti pannakapadayaw dagiti agad-adal iti gagetda a nagsakdo ti adal iti unos ti makatawen.



Naawis a nagsarita ni Board Member Jeremias “Jerry”  Singson ket dinakamatna ti pateg ti adal nga ipamaysa dagiti ubbing itoy a tawtawenda. Innayonna a tuladenda ti galad ni Dr. Jose P. Rizal, Nailian a Bannuar, a pagwadan ti adal iti panagubingna. Impaay ni SPM Jerry Singson ti Jose Rizal  Leadership Award ken ni Aldrin Jay Baclig.


Kalpasan dagiti intermission numbers, in-award dagiti nagannak dagiti Medalia, Ribbons, ken Sertipiko para iti Academic and Meritorious Awards,  Leadership Awards, ken Athlete of the Year.


In-award met ni Mayor Edgardo “Ediboy”  S. Cobangbang, Jr. ti Academic Achiever ken Young Public Servant kada Gerrylyn Pacis ken Danica Sablay kas panagsaganadda.



Kalpasanna, nangited ti Inspirational Message ni Mayor Ediboy. Kimmablaaw ken nagyaman iti pannakaawisna a makidanggay iti 2nd Recognition Program ti pagadalan. In-congratulatena dagiti nakaala ti pammadayaw nga estudiante. Impaganetgetna nga ipasnekda  koma ti panagadalda.


Naipaayan met ti gundaway ni SBM Benedict M. Savellano a nangyukkor ti medalia kadagiti dadduma a napadayawan nga agad-adal. Iti mensahe ni SBM Benedict, dinakamatna a kas ehemplo ti kameng ti pamiliana a nagballigi ti adal a manginspirar ti panagadal dagitoy nga ubbing.


Nagatendar met dagiti Opisiales ti PTA nga idauluan ni Mrs. Francisca Serdenia ken ti Konseho ti Barangay nga idauluan ni Brgy. Captain Ruben Siruno.
Dagiti mangbukel ti Teaching Staff ti Sisim NHS ket isuda:  Mr. Roger B. Dacanay, Grade VII Tulip; Mrs. Daisy Jane S. Tisbe, Grade VII Hyacinth, Mr. Archie T. Casino, Second Year-Charity; Mrs. Laarni D. Sayaboc, Second Year-Hope ken Mrs. Rosemelinda D. Baclig, School Head. # (Web In-Action)



No comments:

Post a Comment