Cabugao, Ilocos Sur – Naangay ti 50th Closing Exercises ti Cabugao North Central School nga addaan ti Tema: “Building the Nation’s Future Leaders through the K to 12 Basic Education Curriculum” idi Marso 18, 2013 iti Cabugao Cultural and Sports Complex, Brgy. Rizal, Cabugao, Ilocos Sur.
Kabayatan ti Graduation Ceremonies, nangipaay ti Mensahe ti Guest of Honor and Speaker, ni Judge Juvencio Sivila Gascon ti RTC, Pasig City ket imbuksilanna ti kaipapanan ti Tema ti Graduation Exercises. Innayon ti Hues a babaen iti nasamay a programa ti DepEd para iti nainayon a tawen ti panagbasa dagiti ubbing ket maiyagpang ti kaammuanda ken kabaelandanton dagiti mapagturpos a makakompetensia iti tay-ak ti adu a pagsiriban a mangpakalidad pay ti kabaelan ken adal dagiti umili.
Impaganetget met ni Mayor Edgardo “Ediboy” S. Cobangbang, Jr. kadagiti kaaduan a mangiwanwanwan kadagiti ubbing iti Inspirational Message-na nga iti panangipakita ti natunos a panangtaming ti DepEd ken panangsukimatda iti kasapulan ken kabaelan nga adal dagiti ubbing ket napintas ti pagbanaganda iti masakbayan gapu ta maisaganaanda iti natibker a pamuonan ti panang-hulma kadakuada kas baro a henerasion ti lider para iti masakbayan.
Iti paset ti Moments of Recognition, naisaganad ti pannakaited dagiti Special Awards a naragpat dagiti ubbing iti nadumaduma a benneg ti paglaingan. Kaaduan a Gold Medals ti naawatda iti tunggal Year Level (Grade 1-5) ket indonar ken in-award dagiti managayat nga indibidual iti krusada ti Edukasion kasta met dagiti pannakabagi ti dadduma Pribado nga Institusion.
Naisaruno a naiyawag dagiti Honor Pupils manipud Kindergarten agingga iti Grade 5 babaen kadagiti Advisers-da ket sidudungngo a napan inyaspili/inyukkor dagiti nagannak/guardians dagiti ribbon ken medal dagiti undergraduates honor pupils.
Ti Cabugao North Central School ket buklen ti 26 a mangisursuro ken maysa nga School Aide nga idauluan ni Mrs. Estrellita M. Siruno, Elementary School Principal II.
Malaksid kada Mayor Ediboy ken Judge & Mrs. Juvencio S. Gascon, nakikaysa met iti nasao a Graduation Exercises da SBM Vicky S. Serna, Mrs. Jerlie S. Cobangbang, CI Director Ret. Judge Efren S. Ubungen, SB Secretary Maxfel S. Suboc ken MHO Dr. Rudy M. Singson.
Kanaig daytoy, 13 nga Elementary Schools ken maysa a Primary School ti Cabugao DepEd District ti naggigiddan/nagsasaruno a nangangay iti Graduation Exercises-na iti petsa Marso 18, 2013 a sinaguday ti Graduation Rites Schedule nga inaprobaran ni Public Schools District Supervisor Helen V. Siruno.
Dagitoy ti pageskuelaan ti Cabugao North Central School, Arnap Elementary School, Nagsantaan Primary School, Nagsincaoan E/S, Maradodon E/S, Cuantacla E/S, Cael-layan E/S, Lipit E/S, Catucdaan E/S, Pila E/S, Pug-os E/S, Sisim E/S, Sagayaden E/S, ken Reppaac E/S. # (Web In-Action)
No comments:
Post a Comment