NAARAMIDEN DAGITI TRANSAKSION ITI OPISINA TI DAYO

Cabugao, Ilocos Sur – Agtultuloy a maisaysayangkat ti panagda-dayo iti Cabugao Dayo, Brgy. Baclig, Cabugao, Ilocos Sur iti aldaw ti Sabado. Iti pannakitaripnong  ti Web In-Action idi Marso 16, 2013 a kaaldawan ti Dayo, nabun-as dagiti baka ken nuang a naiplastar iti pagdadayoan. Naalibtak met dagiti koridor a mangilako kadagiti ginatangda nga ayup. Kaaduan ti nalako a maipauraga ken adda pay Buffalo a nailaok a panagkuna ti kaaduan ket maiduma ti  imas ti karnena.

Nakitaripnong met ni Mayor Edgardo “Ediboy” S. Cobangbang, Jr. a nakisarsarita kadagiti naki-dayo ken Opisiales ti Cabugao Cattle Traders Association nga isuda  Mr. Mariano Raciles, Jr., Presidente, Mr. Elpidio Mejia, Secretary  ken Mr. Rudy Quileza, Treasurer.

Nakikaysa met da Municipal Meat Inspector Dante Naval, Municipal Livestock Inspector Dr. Melvin G. Castro, DVD kasta met ken ni SBM Carlos V. Sison iti dayta a gundaway.

Imbatad pay ni Mr. Elpidio Mejia, Secretary a tamingenda iti mabiit nga opisiales dagiti panagsaganada iti mapaspasangasangan  a  Cutting of Ribbon Ceremony ditoy Dayo ken ti isaganada met iti bennegda a Cattle Traders iti kaaldawanda iti Piesta ti Ili. # (Web Situational Report)