Sunday, March 17, 2013

BINISITA NI MAYOR EDIBOY DAGITI TRAINEES TI BEAUTY CARE

Cabugao, Ilocos Sur – Binisita ni Mayor Edgardo “Ediboy” S. Cobangbang, Jr. a binayabay ni MSWD Officer Mrs. Lydia S. Gazmen dagiti 20 nga agtutubo nga agsansanay iti Beauty Care (Hairstyling, Make-up, Manicure ken Pedicure) iti Municipal Conference Hall, Cabugao, Ilocos Sur iti Marso 15, 2013.

Iti pannaki-amad ti Web In-Action, imbatad ni Mrs. Lydia  Gazmen, MSWD Officer  a kalpasan ti panagsanay dagitoy nga agtutubo ket maangay ti On the Job Training-da (OJT)  babaen iti panangtulong met laeng  ti DSWD, TESDA ken ti LGU-Cabugao nga idauluan ni Mayor Ediboy.


Impeksa met dagiti agtutubo a nagsanay a  naggapu iti 10 a barangays ti Cabugao nga idauluan ni Dardarat SK Chairman John Mark  B. Garcia iti naan-anay a panagyamanda kadagiti nangesponsor daytoy a panagsanay  nga Ahensia kangrunaan ti LGU-Cabugao kadaytoy nga adal a nagun-odda a manamnama a makatulong kadakuada iti dakkel   ken ti pamiliada. # (Web In-Action)


No comments:

Post a Comment