Friday, March 1, 2013

SUMARUNO A GRUPO TI RN-HEALS, NAG-DUTY-DAN ITI RHU CABUGAO

Cabugao, Ilocos Sur – Nakipaset ni Mayor Edgardo “Ediboy” S. Cobangbang, Jr. iti naangay a panaginnallawat  dagiti  Outgoing ken Incoming Registered Nurse for Health Enhances of Local Services (RN-HEALS) iti Rural Health Unit of Cabugao idi Pebrero 27, 2013.

Iti pannaki-amad ti Web In Action iti Marso 1, 2013, imbatad ni Ms. Beverly V. Ramos, DOH Representative ti Cabugao a simmukat ti sabali a grupo ti Registered Nurses (10) ken tallo (3) a Rural Health Midwife a mangtulong iti pannakaipatungpal ti Serbisio-Medikal  ti ili ti Cabugao, Ilocos Sur.


Innayon ni Ms. Ramos nga iti pannakaideploy ti RN-HEALS iti RHU-Cabugao ket tapno maasa ti kabaelanda iti propesionda a maisagsagana iti umagpang a pannaka-empleoda iti benneg ti Medikal.


Kangrunaan nga akem ita dagiti RN-HEALS ti mangtulong  iti trabaho ti  Committee on Health Team ti Kalusugan Pangkalahatan Program  kadagiti barangay kas mayataday iti programa ti Gobierno Nasional nga ipatungpal dagiti LGU’s.  # (Web In-Action)



No comments:

Post a Comment