PANTAWID PAY-OUT, 641 TI NABENEPISIARAN

Cabugao, Ilocos Sur – Naaramid ti pannakaited   ti cash grant kadagiti recipients ti Pantawid Pamilyang Pilipino Program (4 P’s) iti nadumaduma a barangay ti ili a Cabugao, Ilocos Sur idi Marso 20, 2013 iti Cabugao Cultural and Sports Complex, Brgy. Rizal, Cabugao, Ilocos Sur.

 Iti pannaki-amad ti Web In-Action, imbatad ni Mrs. Lydia S. Gazmen, Municipal Social Welfare Development Officer nga umaboten ti 641 ti Beneficiaries iti bulan ti Enero ken Pebrero 2013 a nakaruk-atan ti kantidad a P871,400.00.
Nakikaysa ditoy a taripnong ni Mayor Edgardo "Ediboy"  S. Cobangbang, Jr., SBM Dr. Carlito S. Pano, Committee Chair on Social Services, SBM Vicky S. Serna, SBM Benedict M. Savellano, Postmaster Cesar Sivila ken MSWD Assistant Leonora G. Reintar.

Nakipagtaming pay iti pannakaited dagitoy a gatad dagiti kameng ti Philippine Postal Office  ken Personnel ti DSWD Region 1. # (Web In-Action)