Friday, March 15, 2013

MAIKA-16 A GENERAL ASSEMBLY TI FREE FARMERS MPCI, NAANGAY

Cabugao, Ilocos Sur – Naangay ti maika-16  A  General Assembly manipud ti pannakabuangay ti Sagayaden  Free Farmers MPCI iti Sagayaden Norte, Cabugao, Ilocos Sur idi Marso 14, 2013 ket naangay  ti selebrasion iti sango ti Free Farmers MPCI Warehouse a dinar-ayan dagiti miembros, Opisiales, pannakabagi ti Land Bank of the Philippines (LBP)-Vigan City, BARANG-AY Farm/ISCC Agriculture Campus, Pribado a kompania, ken Opisiales ti LGU-Cabugao nga idauluan ni Mayor Edgardo “Ediboy” S. Cobangbang, Jr.

Naluktan ti programa babaen ti Invocation nga indauluan ni Pastor Edgard Madarriaga, Chairman,  Election Committee. Indauluan met ni Ms. Erlinda Siababa ti National Anthem, Cooperative Hymn ken Cooperative Pledge, Welcome Address ni Mr. Ferdinand Anor, BOD Chairman.

Panangipateg ti kooperatiba kas katulongan ti panagdur-as ti bugas dagiti mensahe da MA Zenaida S. Andrada ken Mr. Nerio S. Daproza, AT.


Nagsarita met ni Mr. John Ramirez, pannakabagi ti Land Bank. Inapresiarna ti agtultuloy a panagprogreso ti Free Farmers MPCI kadagiti iwayatna a programa ken proyekto.

Impadamag met ni Dr. Cesar Soller, DVD, Farm Manager/Campus Dean, ISCC College of Agriculture ti BARANG-AY FARM, Brgy. Labnig, San Juan, Ilocos Sur kadagiti programada  ti livestock para iti kooperatiba ken komunidad  kasta met kadagiti kurso-agrikultura a maluktan kadaytoy a sanga ti kolehio ti Ilocos Sur Community College (ISCC).

Naawis a nangipaay ti Inspirational Message ni Mayor Edgardo “Ediboy” S. Cobangbang, Jr.

Imbinsa ni Mayor Ediboy iti pateg ti panagbalin ti Sagayaden Free Farmers MPCI nga ehemplo ken tuladen ti dadduma a kooperatiba ken asosasion  iti napintas a pagbanagan dagiti kiniddawda a proyekto. Daytoy a kooperatiba ti nangipadalananda kadagiti soft loans a naited ti LGU kadagiti mannalon kas mayannurot iti paglintegan ti Gobierno-Nasional.


Pinagyamanan pay  ti Ama ti ili iti agtultuloy a pammati ken panagtalek dagiti dadduma nga ahensia ti Gobierno a tumulong kadagiti kooperatiba partikular ti Land Bank. Maigapu ta batangda met ita ti agserbi ket sitatalek met ti Gobierno Munisipal a tumulong kadagiti mannalon   gapu iti panagbalinda a responsable a mangpadakkel kadagiti maited kadakuada a puonan ken proyekto  a maipaay iti pagsayaatan  ti sapasap. 

Kalpasan ti naballigi nga Open Forum, ginetteng ni Mayor Ediboy ti laso (Cutting of Ribbon) iti pannaka-renovate ti pasdek ti Sagayaden Free Farmers MPCI a binayabay ni Municipal Agriculturist Zenaida S. Andrada  ken ti  pannakabagi ti Land Bank ken inimatangan dagiti Opisiales ken miembros ti kooperatiba, Opisiales ti Barangay ken lumugar iti Sagayaden Norte.

Maitultuloy ken maangay  pay ti Business Meeting ti Sagayaden Free Farmers MPCI iti kamalmanna. # (Web In-Action)

No comments:

Post a Comment