Cabugao, Ilocos Sur – Iti malem ti Marso 18, 2013, naangay ti Closing Exercises dagiti pageskuelaan iti Cael-layan E/S, Lipit E/S, Catucdaan E/S, Pila E/S, Pug-os E/S, Sisim E/S, Sagayaden E/S ken Reppaac E/S a maibasar iti Graduation Rites nga impaulog ni Mrs. Helen V. Siruno, Public Schools District Supervisor ti ili a Cabugao, Ilocos Sur.
Napusgan dagiti Elementary School Principals (Mrs. Julia Cayso, Mrs. Estrellita M. Siruno, Mrs. Melvi S. Sajonia ken Mr. Rodel P. Suniega) iti Cabugao DepEd District a kadua ni District Supervisor Helen V. Siruno a nagturong iti nakadesignaranda a pageskuelaan a nangkompirmar ti panagturpos dagiti ubbing iti Grade VI.
Naawis met ni Mayor Edgardo “Ediboy” S. Cobangbang, Jr. a nangipaay ti mensahena para iti Tema ti Closing Exercises ken nang-congratulate kadagiti nagturpos nga ubbing kadagiti pageskuelaan iti Marso 18, 2013.
Iti tunggal pagadalan, immuna a naangay ti Graduation Ceremonies a nagsaritaan dagiti Guest of Honor and Speakers ken pannakapadayaw dagiti Honor Graduates. Nagatendar met dagiti Opisiales ti PTA’s, Barangays, Munisipio, lumugar, bisita ken Donors ti premio ken medalia kadagita a Closing Exercises dagiti pagadalan.
Iti Moments of Recognition a paset ti Closing Programs, napadayawan dagiti Undergraduate Pupils (Kindergarten, Grade 1-V), ken napno ti ragsak dagiti nagannak, Guardians iti pannakagun-od ti ribbons, trophies, ken medalia dagiti nasaririt nga ubbingda. Napintas met ti panagtutunos dagiti Parents-Teachers Associations (PTA’s), Teaching Staff, ken Barangay Councils a kangrunaan a nagisagana kadagiti maipabuya ken masapul iti pannakarambak dagiti Closing Programs.
Iti pannaki-amad ti Web In-Action kadagiti Opisiales ti DepEd District iti Marso 19, 2013, imbatadda a dua laeng nga aldaw (Marso 18-19, 2013) ti naituding a panag-closing programs ti 25 nga Elementary/Primary Schools ti ili a Cabugao, Ilocos Sur maibasar iti pagannurotan ti Ahensia ti DepEd. # (Web In-Action)
No comments:
Post a Comment