Tuesday, March 5, 2013

NAITRABAHO A COVERED CANAL TI BRGY. BACLIG, DANDANIN MAILEPPAS

Cabugao, Ilocos Sur – Dandanin a maileppas dagiti maitartarabaho a Covered Canal iti Brgy. Baclig, Cabugao, Ilocos Sur.

Iti panagbisita ti Web In-Action iti Marso 4, 2013, imbatad ti kaaduan a residente nga agindeg iti sibay ken mabatogan  dagiti nakaluban a kanal a pimmintas ti buyada manipud iti dati nga  open canal  ta adu ti  limmawaanda nga isu pay a mangpawada kadagiti dalan.


Segun ken ni Municipal Engineer Cresencio C. Formoso a napapintas dagiti kanal babaen ti panangilungalong ti Gobierno Munisipal nga idauluan ni Mayor Edgardo “Ediboy” S. Cobangbang, Jr. babaen iti  pundo ti Municipal Share ti RA 7171.


Iti Aniceto Savella Street, imbaga ni Mr. Alfredo Paeste a nakontrolen ti panagibelleng ti wara  iti kanal ita a  nakalubanen ken maproteksionan  dagiti ubbing nga agay-ayam nangruna no panagtutudo.


Ti Brgy. Baclig ket maysa kadagiti barangay ti Poblasion iti ili ti Cabugao a dumurdur-as iti panangidaulo ni Brgy. Captain Ely S. Savella.  # (Web Situational Report)


No comments:

Post a Comment