CLOSING PROGRAM TI CABUGAO SCS KEN 9 NGA ELEM. SCHOOLS, NAANGAY ITI MARSO 19

Cabugao, Ilocos Sur – Nagsasaruno a naangay ti Closing Exercises  ti  10  nga Elementary Schools ken maysa a Primary School  ti Cabugao DepEd District iti Marso 19, 2013 kas iti Bungro Elementary School, Dardarat E/S, Cabugao South Central School, Daclapan E/S, Sabang E/S, Salapasap E/S, Salomague E/S, Namruangan E/S, Turod E/S, Aragan E/S ken Carusipan Primary School.
Iti Cabugao South Central School, naangay ti  Graduation Ceremonies ket naawis  a Guest of Honor and Speaker ni Mrs. Lydia Serna Gazmen,  Municipal Social Welfare and Development Officer. Indasigna ti padasna  iti pamiliada iti gagangay ita a mapaspasaran ti kaaduan dagiti ubbing ngem  gapu iti determinasionna nga agadal kasta met ti tinnulongda nga agkakabsat, ken ti pammatina  iti Namarsua, nagaw-atna ti balligi iti propesionna ken ti pamiliana.










Imbinglay pay ni Mrs. Gazmen dagiti "Tips Ti Balligi"   nga aramiden dagiti naggraduar nga ubbing kas iti sumaganad: D-Discipline; A-Abide; N-Nourishment (of mind, body and soul); N-Never give up; I-Impress (always give/show your best).
 
Nagturpos  ni Mrs. Gazmen iti Class 1972 ditoy nga eskuela ket pagwadan ti natun-oyanna  a balligi a pagsarmingan dagiti nagturpos.

Nangipaay met ti Inspirational Message ni Mayor Edgardo “Ediboy” S. Cobangbang, Jr. Kimmablaaw ken nagyaman itoy nga awis kenkuana  tapno  i-congratulate-na dagiti nagturpos ken nagannak. Dinakamat  ni Mayor Ediboy   dagiti nagballigi a kailian a naggraduar  ditoy a pagadalan a pagwadan dagiti nagturpos. Agtultuloy a panageskuela ken napasnek a panagbasa ti impaganetgetna nga aramiden koma  dagiti nagturpos.

Naisaganad ti Recognition of Honor Graduates. Inyaspili dagiti nagannak/Guardians  dagiti  ribbons dagiti nagturpos.

Inyukkor ni Mayor Ediboy ti Gold Medal, Medal for the Best Achiever of the Year ken ni Andrea Nicole Rebibis, Class Valedictorian 2013.

Inyukkor met ni SBM Benedicto M. Savellano ti Medal for Leadership Award nga indonar ni Vice Gov. DV Savellano.  Kasta pay dagiti  naipaay a Gold Medal to the Little Public Servants kadagiti lima a Honor Graduates. 

Dagiti dadduma a medalia (Silver & Bronze), Trophy ken Cash  ket indonar dagiti prominente nga umili ti Cabugao ken nayukkor iti  Class Valedictorian ken dadduma a Honor Graduates  babaen kadagiti natudingan a pannakabagida.
Naikkan met ti Medal to the Outstanding Graduates dagiti Graduates with Honors. Adda 61 nga ubbing (32 Boys ken 29 Girls)  a nagturpos iti Elementaria ditoy a pagadalan.

Iti Moments of Recognition, naragsak dagiti nagannak, Guardians a nangkibin kadagiti ubbingda  a binayabay dagiti  PTA Officers, Brgy. Officials, Guests ken Donors a nagmartsa sakbay ti panangibasa ti tunggal Adviser  dagiti  Honor Pupils (Kindergarten agingga iti Grade V) nga isuroda . Inyaspili dagiti nagannak/Guardians  dagiti nagun-odda a ribbons ken pammadayaw. 

Nai-award pay dagiti medalia  para iti Undergraduate Achievers babaen kadagiti Coaches-da. Napadayawanda kadagiti Subjects iti Filipino, English, Math, Science, Journalism, GSP Campers, BSP Achievers, kasta pay iti dadduma a paglaingan  dagiti undergraduates (Grade 1 to V).

Nag-Words of Welcome ni Mr. Walberto A. Torres, CSCS PTA President. Inawisna ti imatang ti amin a timmabuno  a mangbuya iti panagturpos dagiti agad-adal.

Iti Closing Remarks, nagyaman ni Mrs. Melvi S. Sajonia, Principal II ti CSCS  kadagiti amin a nakigamulo iti naballigi a preparasion ti programa kasta met ti pannakidinnanggay  dagiti Opisiales ti LGU   ken dagiti  Barangay Officials ti Barangay Bonifacio  a dimmar-ay itoy a pasamak iti pageskuelaan.

    Nagtitinnulong a nag-Emcee da Miss Jennifer D. Savellano, Mrs. Odette V. Somera, Miss Marcelina C. Suetos ken Mr. Rommel Santella. (Web In-Action)