AGRICULTURE AND FISHERY DAY, NARAMBAKAN

Cabugao, Ilocos Sur – Narambakan ti Agriculture and Fishery Day kas pakauna nga aldaw ti 2013 Cabugao Ragsak  Festival iti Abril 22, 2013  iti panagpiesta ti ili a Cabugao, Ilocos Sur.

Immuna a naaramid ti Parada iti aglikmut ti Poblasion a nangrugi iti Cabugao Institute Ground sa nagtungpal iti ikub ti Cabugao Central Park, Brgy. Bonifacio, Cabugao, Ilocos Sur.

 Iti Parada, inyuna ti Mobile Patrol Car ti Municipal Police Station sa simmaruno   dagiti Opisiales ti LGU Cabugao nga indauluan ni Mayor Edgardo “Ediboy” S. Cobangbang, Jr. ken ni Vice Mayor Danilo Q. Gazmen agraman dagiti Konsehales ti ili. Simmaganad  ti grupo dagiti Opisiales ti Federated Farmer’s Association ken Cabugao Federated   Fishermen’s Association nga indauluan da Mr. Elmer Guerrero Bromeo ken ni Mr. Bonifacio Valle kas panagsaganadda.

CLICK HERE TO VIEW MORE  PHOTOS

Simmaruno dagiti 33 a barangays (alphabetical order) a binayabay dagiti  Opisialesda,  Federated Farmers/Fisheries Association, Cabugao Federated Mango Grower’s Association, Cabugao Federated Cooperatives Association, Rural Improvement Club (RIC),  ken kasta met iti  4-H Club.

Nakikaysa met dagiti Marching Band dagiti eskuela-elementaria ken High School ti ili a  Cabugao. Naurnos  ti trapiko babaen ti panangiwardas dagiti polis ken security personnel nga idauluan ni Cabugao Chief of Police William N. Nerona. Adda met nakipaset a  kameng ti Philippine Army ken Bureau of Fire Safety a nakipulapol  iti publiko.

Naangay ti programa iti CCP Flagpole Area. Indauluan ni Mrs. Lucille S. Somera ti ababa a kararag. Naaramid  ti National Anthem babaen iti CI Marching Band ken Panunumpa sa Watawat nga indauluan  ni Mrs. Eva Clemens Reintar.  Indauluan met  ni Mrs. Lourdes Azcueta  ti pannakakanta ti Cabugao Hymn.

Kimmablaaw ken nagyaman ni Mayor Edgardo “Ediboy” S. Cobangbang, Jr. iti natunos ken sangsangkamaysa a partisipasion  dagiti  barangay  kasta met dagiti asosasion iti uneg ti barangay  nga indauluan ti Farmers ken Fishermen a nakikaysa iti daytoy napnuan balligi a taripnong ti umuna nga aldaw ti panagpiesta ti ili. Impeksa ni Mayor Ediboy ti ragsakna a nakaimatang iti aglaplapusanan a  nagatendar iti parada ken pakontes ti Bahay Kubo ni Mannalon iti CCP.

CLICK HERE TO VIEW MORE  PHOTOS

Innayon ti Alkalde Munisipal nga agtultuloy daytoy a panagrambak kadagiti sumarsaruno nga aldaw ti piesta ket sangsangkamaysa dagiti umili a mangnanam ti kaipapanan ti natimpuyog a pannakipagrambakda.

Nagsarita met  ni MAFC  Chairman Rogelio Barlolong iti pateg ti panangiyuna  dagiti mannalon/mangngalap  iti panagrambak.  Bininsa ni Mr. Nereo S. Daproza,   AT/DA-LGU  dagiti annuroten ken kategoria ti pakontes ti  Bahay-Kubo ni Mannalon. Nagpaay a Board of Judges da Ms. Connie L. Quinola, MLGO Officer V  ti LGU-Cabugao, Dr. Elizabeth S. Pablico, MARO Caretaker, ken Engr. Warren S. Siruno iti Municipal Engineering Office.

Kabayatan ti pannaka-grado  dagiti mangabak a bahay kubo, pinasiar ni Mayor Ediboy a saggaysa dagiti  Bahay  Kubo ni Mannalon ket inapresiarna daytoy a naiduma a pakontes ken exhibit dagiti mannalon ken mangngalap.

CLICK HERE TO VIEW MORE  PHOTOS

Maipakaammo iti mangabak  ken mapremiuanda iti karabiyan daytoy a petsa, Abril 22, 2013  a naisangrat para iti Night Celebration ti Agriculture and Fishery Day ti Piesta ti Ili.

Nagpaay nga Emcee da Mrs. Joenah G. Sevilleja, AT/DA-LGU  ken MAFC Chairman Rogelio Barlolong.  # (Web In-Action)