Immuna a trinatarda iti isaganada a partisipasion iti kaaldawan ti Farmers/Fishermen Day iti Abril 22, 2013 iti Cabugao Ragsak Festival 2013.
Naisaganad a naipakaammo dagiti proyekto nga inkumit ti BFAR a maipaay kadagiti mangngalap iti maituding a panawen.
Dinayaw ni Mayor Ediboy ti inisiatiba dagiti 18 nga asosasion ti mangngalap ta ikagkagumaanda met ti mangsurot kadagiti kasapulan a maaramid tapno agbalinda a lehitimo nga asosasion ken mangannurot kadagiti mapagtutulagan iti pannakaipakat iti paglinteganda iti Pederasion-da tapno magun-odda ken maprobitsarda dagiti serbisio nga itden dagiti ahensia ken iti LGU.
Innayon ti Alkalde Munisipal nga ipakitada a mapatan-ayda ti asosasionda ket saan met nga agbaybay-a ti Gobierno Munisipal a mangipaay ti tulong ken ipangpangruna met a trataren ni SB Benedict M. Savellano, Committee Chair on Agriculture dagiti gakat/pakaseknan a pang-agrikultura ken fisheries iti Konseho Munisipal.
Nakipaset met da Municipal Agriculturist Zenaida S. Andrada, Municipal Fisheries Coordinator Milagros R. Paz, Mrs. Joenah G. Sevilleja, AT, Mrs. Ester P. Aguimbag, AT, ken Mr. Robert S. Savella, AT agpapada a pannakabagi ti DA-LGU.
Ti pannakapadur-as ti agrikultura ken pagikanan ti agtultuloy a prayoridad ti Gobierno Munisipal nga itandudo iti mayoridad a benneg ti umili ken para iti panagsayaat ti sapasap. # (Web In-Action)
No comments:
Post a Comment