Cabugao, Ilocos Sur – Iti pannaki-amad ti Web In-Action iti Abril 4, 2013, imbatad dagiti Staff ti Cabugao Soil Fertility Mapping Project nga adda pay tallo a barangay nga alaanda iti soil samples. Dagitoy ti Brgy. Marga-ay, Bungro ken Salapasap.
Idi Abril 3, 2013, napan ti grupo iti Brgy. Namruangan ket nagmalemda a nagtrabaho ditoy. Dagiti maalada a soil samples ket adda madadaan a dua a tao nga ag-pulverize ken maidalimanekda a naiselopin iti Drying Cabinet a masarakan iti 2nd Floor ti Municipal Building.
Dagitoy a soil samples ket maisagsagana para iti soil analysis nga ipatungpal ti Bureau of Soils and Water Management (BSWM) Personnel. Maisaruno ti panaganalisarda kadagiti pagdanuman wenno bubon kadagiti barbarangay tapno matingiting dagiti adda a nairamen a nutrients iti danum.
Daytoy a pakaseknan ti Cabugao Soil Fertility Mapping Project ket naregget nga ipatpatungpal ti Gobierno Munisipal nga idauluan ni Mayor Edgardo “Ediboy” S. Cobangbang, Jr. babaen iti panangimaton da SB Member Benedicto M. Savellano, Committee Chair on Agriculture ken Municipal Agriculturist Zenaida S. Andrada tapno maipaay ti umisu a pagbasaran dagiti mannalon iti mausar nga abuno a pangparangenda kadagiti imulada a pagapitanda. # (Web Situational Report)
No comments:
Post a Comment