MAIPATULOD DAGITI SOIL SAMPLES ITI BSWM-MANILA

Cabugao, Ilocos Sur – Iti pannaki-amad ti Web In-Action idi Abril 17, 2013, imbatad ni Mr. Nathaniel Galamgam, Caretaker,  Soil Samples, Cabugao Soil Fertility Mapping Project nga adda  101 a bilang ti Soil Samples a maipatulod iti Bureau Of Soils and Water Management-Manila para iti pinal a pannakaanalisarda.

Innayon ni Mr. Galamgam nga adda pay 70 a bilang ti maud-udi a mayimpake ket dagup a pakabuklan daytoy dagiti Soil Samples a naala kadagiti mannalon iti 33 a barangays ti ili a Cabugao, Ilocos Sur. Adda met 6 a naalaan ti soil samples iti kategoria ti orchard ditoy Cabugao met laeng.

Maisaruno a maiwayat ti pannakaamiris dagiti pananuman dagiti mannalon babaen met laeng iti nagtipon a grupo ti BSWM nga idauluan ni Ms. Eugene A. Briones ken dagiti pannakabagi ti DA-LGU nga idauluan ni Municipal Agriculturist Zenaida S. Andrada. # (Web Situational Report)