Thursday, April 4, 2013

ELIMINATION ROUND, INALDAWEN A MAARAMID TI GAMES

Cabugao, Ilocos Sur – Mangrugi idi Abril 1, 2013, tunggal malemen ti pannakaituloy ti salip ti 2013 SK Basketball Tournament iti Cabugao Cultural and Sports Complex, Brgy. Rizal, Cabugao, Ilocos Sur babaen ti pannakaaramid ti dua a Games a pagsalipan ti dua nga SK Teams iti nadumaduma a barangay ti Cabugao.

Iti pannaki-amad ti Web In-Action, imbatad dagiti Coaches a manamnama nga agpatingga ti Elimination Round agingga iti Abril 20, 2013.


Iti pannakaaramid ti minalem nga ay-ayam, naregget dagiti Sympathizers/Cheerers  ti tunggal Team a mapan agbuya kasta met kadagiti lumugar kadayta a barangay a naggapuan ti Basketball Team.


Naannayas ti pannakaaramid dagiti ay-ayam maigapu iti prinsipio ti disiplina ken sportsmanship a naipakpakauna a naipasagepsep  kadagiti Players babaen iti Management iti panangrugi ti Tournament.


Daytoy a paay-ayam ti Municipal SK Federation ket pakauna a pangrambak nga aktibidad dagiti agtutubo iti barangay iti masungad nga 2013 Cabugao Ragsak Festival a maangay inton Abril 22-27, 2013. # (Web Situational Report)

No comments:

Post a Comment