Monday, April 22, 2013

NALANGTO TI TECHNO-DEMO URAY NO NATIKAG TI TIEMPO

Cabugao, Ilocos Sur – Iti pannaki-amad ti Web In-Action iti Abril 19, 2013, imbatad ni Mr. Edgar S. Balangatan, AT/Municipal Techno-Demo  Coordinator  iti  Sagayaden Norte, Cabugao, Ilocos Sur a rinugiandan ti nagapit iti Pepino, kabatiti,  stringbeans, okra ken Lasona nga immuna  a  naimulada. Manamnama a mabalbalinton a malingta ti bunga ti mais a mulada  iti agtapos itoy a bulan ti Abril 2013.

Agduduma ti klasena ti naimula a kas iti hybrid corn, balatong, paria, karabasa, kabatiti ken upland  kangkong. Dagitoy ket manamnama a maapit ken malako iti agtapos daytoy a bulan ti Abril 2013, segun pay ken ni Mr. Balangatan.

Gapu iti gaget dagiti mangas-asikaso kadagitoy a ninatengan, mairemremedio latta ti pagsibogda iti inaldaw babaen ti panangigannuat ni Mr. Noel Rania, JO isu a nalangto ken nadam-eg latta dagiti pinuonda.

Innayon ni Mr. Balangatan a nagballigi daytoy nga off-season crop  a panagpatanorda ti nateng babaen kadagiti nasamay nga estratehiada ken padasna kas Agriculturist. Maipaay met a pagtuladan dagiti mannalon daytoy a panagballigi ti inggannuatda a panagmula ti nateng ken mais iti masakbayan  ti tikag. # (Web Situational Report)

No comments:

Post a Comment