Thursday, April 4, 2013

WORKSHOP TI BNS, PANAGSAGANA ITI SUMARUNO A TRABAHODA

Cabugao, Ilocos Sur – Naangay ti maysa nga aldaw a  Worskhop dagiti kameng ti Barangay Nutrition Scholar iti 33 a barangays ti  ili ti Cabugao idi Abril 3, 2013 iti Municipal Nutrition Action Office, Municipal Building, Cabugao, Ilocos Sur.

Tinarabay ida ni Municipal Nutrition Action Officer, Mrs. Joenah G. Sevilleja kabayatan a trinabahoda ti Monthly Accomplishment Report-da iti bulan ti Marso 2013 a nakaitampokan dagiti importante a datos iti Nutritional Status dagiti ubbing a kangrunaan nga iserserbianda.


Dagitoy nga aktibidad ket karamanna  dagiti mapagtalkan nga impormasion iti pakaseknan dagiti Pre-schoolers/Pamiliada  a benneg ti populasion ti barangay ken tapno madagdagus a nakasagana dagiti papeles para iti pannakaipatungpal dagiti masanguanan a programa/aktibidades  ti Nutrision iti Munisipio.


Ti pannakaitandudo ti Nutrision kadagiti agtantan-ay nga ubbing ket maysa  a prayoridad a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr., Chairman, Municipal Nutrition Committee Council tapno agtultuloy a maikkan ti importansia ti salun-at ken napintas a panagdakkel  dagiti ubbing ditoy Cabugao. # (Web Situational Report)


No comments:

Post a Comment