Cabugao, Ilocos Sur - Maragragsakan dagiti agindeg iti Purok Pag-asa, Barangay Namruangan, Cabugao, Ilocos Sur maigapu iti panangilungalong ti Konseho ti Barangay nga idauluan ni Brgy. Captain Robertson Gorospe ken ti LGU-Cabugao nga idauluan ni Mayor Edgardo “Ediboy” S. Cobangbang, Jr. iti pannakasemento ti dalan ti Purok-da.
Iti pannaki-amad ti Web In-Action idi Abril 16, 2013, naragsak dagiti pumurok a nangipadayaw kadaytoy a pagsayaatan ti dalanda. Impeksada pay ti nalaus a panagyamanda kadagiti Opisiales ti Barangay ken Munisipio. Innayon ti kaaduan kadakuada a nadardaras ita ti panaggunayda nangruna iti panagpailida nga aglako ken aggatang ti kasapulanda.
Dagiti pagnam-ayan a masagrap dagiti bumarangay ket maigapu iti agtultuloy a programa ti Gobierno Munisipal nga idauluan ni Mayor Ediboy a pannakapasayaat dagiti dalan tapno umaktibo pay ti economic activities dagiti lumugar ken iti sapasap a sangkailian ti Cabugao. # (Web In-Action)
No comments:
Post a Comment