Cabugao, Ilocos Sur – Naangay ti tallo nga aldaw a 2013 Boy Scout of the Philippines (BSP) Camporal ti Cabugao DepED District idi Nobiembre 15, 16, ken 17 idiay Brgy. Cael-layan, Cabugao, Ilocos Sur babaen iti Tema: “Education for Life”.
Iti Nobiembre 15, 2013 (Day 1), daytoy ti Arrival, Settling-in, Camp-set up, Opening Program, Base Instruction ken Torch Parade ti rabii. Naangay pay ti Videoke King Singing Contest (1 per Troop ti rabii).
Day 2-November 16, 2013- Naangay ti “Kawan Holiday” ket naaramid iti Scout Skills Competition ken Laro ng Lahi. Naangay pay ti General Campfire ti rabii iti dayta a petsa.
Day 3 (Nobiembre 17, 2013)- Naangay ti Community Service dagiti Scouts ken tinarabay dagiti Scouts Officials ken Closing Awarding Ceremonies kalpasanna para kadagiti nangabak iti napagsasalipan nga aktibidades iti unos ti tallo nga aldaw ken rabii.
Iti Nobiembre 16, 2013, nagatendar ni Mayor Edgardo “Ediboy” S. Cobangbang, Jr. a kaduana dagiti kameng ti Sangguniang Bayan ti ili a Cabugao iti disso ti BSP Camporal a pakaang-angayan ti “Kab Scout Field Day” ket nangipaay ti mensahena kadagiti Scouts, Scouts Officials, DepED Officials, nagannak ken Opisiales ti Brgy. Cael-layan nga idauluan ni Brgy. Captain Heidi Margarita S. Zabala.
Impeksa ti Ama ti ili iti kablaaw ken panagyamanna iti naballigi a tinawen a panangselebrar ti Cabugao DepED ti Scouting kadagiti aktibidades a pangpabaknangan ti kapadasan dagiti lallaki nga ubbing nga agad-adal a paset ti pakahulmaan ti kinataoda nga agbalin a responsable ken nadisiplina a makipagili.
Binigbig pay ti Alkalde Munisipal iti anus ken sakripisio dagiti mangisursuro, nagannak a timmarabay kadagiti ubbing ken amin nga Opisiales ti Barangay a nakikammayet tapno agballigi daytoy a tallo nga aldaw nga aktibidades ditoy a lugar.
Dinakamat pay ti Municipal Chief Executive a nagyamanan iti kammayet dagiti kakaduana iti Municipal Scouting Committee nga idauluan ni Mayor Ediboy a kas Honorary Chairman ti Munisipalidad ti Cabugao. # (Web In-Action)
No comments:
Post a Comment