Friday, November 8, 2013

DUA A PANAGSANAY, INATENDARAN TI DA-LGU

Cabugao, Ilocos Sur – Tapno maital-o  ti kaammuan ken kabaelan dagiti Agricultural Technologists a mangidur-as t rukod ti  serbisioda  kadagiti mannalon babaen ti Departamento ti Agrikultura (DA), sisusuporta ti LGU-Cabugao nga idauluan ni Mayor Edgardo “Ediboy” S. Cobangbang, Jr. a nangipalubos   ti panagatendar da Mr. Nereo S. Daproza ken ni Ms.  Katrine  Tapuro, agpada nga AT’s iti DA-LGU Cabugao iti nagsina a maisayangkat a panagsanay iti Nobiembre 7 ken 8, 2013.

Technical Briefing for Corn and Cassava Pests to AEWs of Region 1 nga inesponsoran ti DA-Regional Field Office (RFO) 1 ti inatendaran ni Mr. Daproza iti Nobiembre 7, 2013 iti Nueva Segovia Consortium of Cooperatives, Caoayan, Ilocos Sur.

Iti sabali a bangir, inatendaran met ni Ms. Katrine Tapuro ti Training of Trainers (TOT) on Good Agricultural Practices (GAP) for Corn iti Agricultural Training Institute (ATI), Regional Training Center 1, (ATI-RTC 1) Satellite Station, Batac City, Ilocos Norte iti Nobiembre 7-8, 2013.

Iti agtultuloy a panagdur-as ti kaammuan dagiti mannalon iti ili a Cabugao, Ilocos Sur ket gubuay met laeng iti nasigo a pannakikammayet ti LGU-Cabugao iti amin nga Opisina ken Ahensia a makaipaay iti saririt ken tulong kadagiti maipaayan ti serbisio a mannalon. # (Web In-Action)

No comments:

Post a Comment