Wednesday, November 6, 2013

UNIT ATHLETIC MEET 2013, NAANGAY

Cabugao, Ilocos Sur – Naangay ti umuna nga aldaw, Nobiembre 5-6, 2013 ti Unit Athletic Meet 2013 iti nagtitipon a pageskuelaan iti uppat nga ili kas iti Sinait, Cabugao, San Juan ken Magsingal, Ilocos Sur idi Nobiembre 5, 2013 iti uneg ti pagadalan ti Sinait National High School, Sinait, Ilocos Sur a nagatendaran dagiti napili nga atleta a mangibagi ti tunggal pagadalan ti kada ili, Officiating Officials, Coaches, mangisursuro ken nagannak a nangtarabay kadagiti annakda a makisinnait iti dayta nga umuna nga aldaw ti panagsasalip iti nadumaduma nga sports events.


Naaramid ti Parada dagiti delegado iti aglikmut ti Athletic Ground sakbay a naaramid ti ababa a programa iti School Stage ti SNHS.

Kalpasan ti Words of Welcome ni Mrs. Marcelina P. Lived, naaramid ti Presentation of Athletic Delegates babaen kadagiti District Supervisors/Authorized Representatives ti uppat nga ili.

Kalpasan a nagmensahe ni Mr. Meneleo Palma, CSEE, EPS 1-PESS, naisa ti bandera ti Unit Athletic Flag. Naisaganad ti Hoisting of the Delegation Flags babaen iti panangkadua dagiti Superbisor ti tunggal ili kadagiti Mayoresda agraman ti PESS Coordinators-da.

Nangipaay ti Affirmation  of the Athletic Oath ni Glen George Bautista, Sinait National HS RIAA Player kasta metten nga intarapnos ni Mr. Meneleo Palma a nangibagi ken ni Dr. Marino S. Baytec, Schools Division Superintendent a nangideklarar iti pannakalukat ti pay-ayam.


Kalpasan ti programa, naaramid ti salip ti Folk Dance kadagiti  mangisursuro iti uppat nga ili ken naisaruno ti Elimination Round ti pay-ayam kalpasan ti pangngaldaw.

Nakikaysa ken nagmensaheda met iti nasao a pay-ayam da Mayor Edgardo S. Cobangbang, Jr., LGU-Cabugao; Mayor Alrico A. Favis, LGU-Magsingal; Mayor Benjamin V. Sarmiento, LGU-San Juan ken nagatendar met ni  Vice Mayor Deogracias Jose H. Savellano, LGU-Cabugao ken dagiti kameng ti Konseho Munisipal ti ili ti Sinait. # (Web In-Action)

No comments:

Post a Comment