Cabugao, Ilocos Sur – Kas maysa nga ili a managduyos ti umilina iti Sports ken paggapgapuan dagiti Kampeon nga ubbing ken agtutubo iti nadumaduma a Tay-ak ti pagsasalipan ti Sports, nangibuangay ti Gobierno Lokal ti Ili babaen iti panangilungalong ni Mayor Edgardo “Ediboy” S. Cobangbang, Jr. iti pannakaaramid ti Athletic Ground (Track and Oval) iti likud ti Cabugao South Central School, Brgy. Bonifacio, Cabugao, Ilocos Sur.
Segun ken ni Municipal Engineer Crescencio Marcos C. Formoso, narugianen ti nasao a pasilidad. Daytoy a pasilidad ket pagay-ayaman dagiti ubbing ken agtutubo iti pannakaisaganada iti agdama a pasalip ken nangatngato a benneg ti Sports kadagiti masanguanan nga aldaw, segun ken ni Mr. Ronel M. Ubaldo, Cabugao DepED Sports Coordinator. # (Web In-Action)
No comments:
Post a Comment