Cabugao, Ilocos Sur – Agsipud ta saan a naggigiddan ti panagapit dagiti mannalon iti pagay a mulada itay Wet Season 2013 (Hunio-Nobiembre), adda sumagmamano a mannalon a nakayuna a nagmula manen ti pagay, nateng ken mais nangruna kadagiti adda pagpadanumanda a disso tapno mabalinda a makapagmula iti mamindua iti las-ud ti Main Crop Season (Nobiembre 2013-Mayo 2014).
Iti biang ti pagay, adda manen magangganaganan a naimula a kaaduanna ti Certified Seeds ti naimula gapu ta saan unay a narawet ti danum (naandur ketdi ti tikag) kasta met a maside-dress-an a mais nagruna iti puraw ti klasena (glutinous variety).
Dagitoy nga aksion ken inisiatiba ket gubuay ti naregget a panagagawa dagiti mannalon tapno ngumato ti matgedanda iti panagmulmula babaen iti napintas a panangtarabay ti LGU-Cabugao iti nasaknap a programana iti pannakaidur-as ti Agrikultura. # (Web Situational Report)
No comments:
Post a Comment