Sunday, November 3, 2013

CABUGAO DAYO, RUMEGREGGET DAGITI KORIDOR

Cabugao, Ilocos Sur – Iti pannakiuman ti Web In-action idi Nobiembre  2, 2013, imbatad ni Mr. Rudy Quileza, Treasurer, Cabugao Livestock Traders Association a saan nga ang-angaw nga uggorenna dagiti Koridor nga agbulbulod ti puonan iti Management.


Innayonna a puminpintas ti transaksion a mapasamak iti Cabugao dayo ket maikkan latta met dagiti nagaget a koridor ti igatangda ta isublida met laeng no malakoda ti nagatangda nga animales.

Kabayatanna, umad-adu latta ti baka ken nuang a maidayo. Nalulukmeg ken nabubun-as ti maidispley iti tunggal Sabado. 


Kankanayon latta met a tartarabayen ti Management ti Cabugao Livestock Office-LGU  Cabugao  agraman iti Municipal Slaughterhouse dagiti Partidor nangruna ta immadu ti konsumidores ti karne kadaytoy a long weekend ti bakasion ti sapasap. # (Web In-Action)

No comments:

Post a Comment